DIMAS cu anochi di certificado pa personal cu a sigui cursonan

ORANJESTAD – Diamars un grupo di personal di DIMAS a ricibi certificado pa dos diferente curso cu nan a sigui. Ta trata di e curso "Integriteit en Transparantie" y "Beleidskunde 2". For di 2014 nan ta siguiendo e cursonan pa asina haya un upgrading di nan conocemento. Personal di DIMAS a haya (y ta hayando) diferente oportunidad pa (sigui) mehora nan mes riba diferente nivel, y area y ta adkiri den conocimento como tambe abilidadnan pa por eherce e funcion na un manera mas optimal posibel. Y ta bou di e cuadro aki, e cursonan aki a wordo duna.

BESTUURSACADEMIE

Bou auspicio di Bestuursacademie di Hulanda y Caribe a facilita diferente entrenamento den forma di cursonan pa personal di DIMAS. Recientemente a clausura dos curso di Trajecto B, facilita pa Bestuursacademie Hulanda y Caribe na personal di DIMAS.

"INTEGRITEIT EN TRANSPARANTIE",

E curso di "Integriteit en Transparantie", a ser facilita pa Sr. Bert Wielenga y Sra. Charisse Daly Hoen, docentenan di Bestuursacademie Hulanda y Caribe, pa mas of menos 1 aña largo tur luna na full personal. Cu e meta pa ekipa e personal cu hermentnan y abilidadnan cu ta haci cu nan por funciona mas eficiente y efectivo y tambe a traha riba abilidadnan pa por brinda servicio di calidad na clientenan di DIMAS.

"BELEIDSKUNDE 2"

Tambe e miembronan di team di maneho di DIMAS a logra pa culmina e curso di "Beleidskunde 2", cual a ser facilita pa Sr. Bert Wielenga, docente di Bestuursacademie Hulanda y Caribe, cual a ser facilita den transcurso di e periodo di 1 aña na e hefenan di e diferente unidadnan di DIMAS.

ANOCHI DI ENTREGA

E anochi di entrega di e certificadonan na personal di DIMAS pa cu ambos curso a tuma lugar dia 30 di juni den aula di Universidad di Aruba. Esnan presente tawata entre otro Vreemdelingenketenmanager, Sr Henry Baarh den representacion di Minister di Desaroyo Teritorial, Infrastructura y Intregracion, directora di DIMAS Sra. Kathleen Ruiz-Paskel, hoofd bedrijfsvoering Sr. Mario Wever, empleadonan di DIMAS, director di Bestuursacademie Caribe Sra. Magalie Jacoba, tambe e docentenan di Bestuursacademie Nederland y Caribe, Sr. Bert Wielenga en Sra. Charisse Daly Hoen.