Rey Willem-Alexander den shock despues di bishita na sitio di explosion

DEN HAAG - Rey Willem-Alexander ta bisa cu e ta “completamente den shock” despues di su bishita na e sitio di e explosion y combersacion  cu víctimanan. Despues di e bishita na distrito di Mariahoeve, el a papia cu prensa, visiblemente afecta.

“E ta mas aya di imaginashon. Bo ta sigui loke ta pasando minuut pa minuut, pero ora bo mira e luga, e impacto di e explosion riba e edificionan ey, tur e hendenan ei einan... Mi pianan ta tembla ora mi pensa bek.”

Willem-Alexander a yama e historianan cu el a tende kibrador di curason. Na mes momento, el a elogia e resiliensia di e residentenan local, manera e empleadonan di e centro di comunidad, cu “tabata cla pa ricibi hende aki algun minuut despues di e explosion.”