- Tierra del Sol Golf Course a habri atrobe despues di 13 luna di renovacion
- Ministernan ta evalua si ta intensifica combatimento di droga den region
- MEP: Placa cu Hulanda ta duna pa energia, no ta nobo sino compromiso haci di 2023
- Corsou tambe ta ricibi 125 miyon florin di Hulanda pa drecha su red di corriente
- Si seleccion di Hulanda gana Polonia diabierna, e ta clasifica pa mundial
Gobierno frances ta cologa na un hilo pa malcontento cu plannan di austeridad
PARIS - Tin un bon chens cu e gobierno frances lo no yega fin di siman. Oposicion kier manda e gabinete cas cu un mocion di desconfiansa. Lo ta e prome biaha den mas cu sesenta aña cu un gobierno frances a wordo forsa pa renuncia pa motibo di un moshon asina.
Den wega ta e rumbo derechista di e prome minister nobo Michel Barnier. E kier corta decenas di biyones pa reduci e deficit presupuestario y e debe nacional.
E oposishon di ala izquierda ta kere cu e plannan ta bai mucho leu i e oposishon di ala drechi radical tambe tin dudanan grandi. Hunto nan tin mayoria y pues por para e plannan. Pero Barnier kier tene su lomba stret. El a bisa cu si ta necesario e lo introdusí su plannan sin votashon den e Camara di Representantenan Franses. E constitucion Frances ta ofrece e posibilidad aki.
MOSHON DI DESCONFIANSA
Si prome minister haci esey, e partidonan di oposicion di izquierda kier presenta un mocion di desconfiansa contra dje. E radical derechista Marine Le Pen ta menasa di sostene e moshon di izquierda ei si Barnier no hasi conseshonnan. Si izquierda y derecha radical uni forsa, nan lo tin un gran mayoria y e mocion di desconfiansa lo wordo aproba. E gobierno di Barnier mester renuncia e ora ei.
Shutdown di Merca por yega na su fin pronto
WASHINGTON - Ta parece cu e shutdown di mas largo na Merca ta cerca pa yega na su fin. Ocho Democrat a duna nan aprobacion na un proposicion pa sigura cu gobierno lo tin placa te fin di januari pa paga salario y otro gasto. Asina e situacion den aeropuerto tambe por bira normal atrobe.
Doño di Tesla, Elon Musk por gana un bonus di 1 biyon dollar
TEXAS - E accionistanan di Tesla a aproba un gran pakete di bonus pa e hefe Elon Musk. Si Musk logra cu balor bursatil di su compania yega 8.5 biyon dollar den e proximo dies aña, e lo ricibi accionnan cu tin un balor di 1 biyon dollar, o sea 1000 miyon dollar.
Horcan Melissa mas destructivo pa motibo di cambio climatico
MIAMI - Horcan Melissa, cu a pasa riba Caribe siman pasa, a resulta mas destructivo como consecuencia di cambio climatico causa pa e hende mes. Esaki ta sali for di un analisis rapido di cientificonan internacional di e grupo World Weather Attribution (WWA), unda tambe e KNMI ta forma parti. Melissa a causa daño grandi na Jamaica, Haiti, Republica Dominicana y Cuba. Por lo menos 75 persona a perde nan bida. E daño na casnan y infrastructura ta subi na miyonnan di euro. World Weather Attribution a calcula kico ta e influencia cu cambio climatico a tin riba e horcan. Segun e analisis, cambio climatico a causa cu e biento tabata 7 porciento mas rapido cu normal, y e cantidad di awa cu a cay tabata 16 porciento mas hopi.
Merca cera: Record shutdown ta pone mas presion riba cuidadanonan vulnerabel
WASHINGTON – Nunca antes Merca a keda asina largo den un shutdown manera awor. Ta 37 dia caba cu Democraatnan y Republicanonan den Congreso no por yega na un acuerdo riba un presupuesto nobo. Empleadonan publico no ta ricibi salario, ta tin retraso na aeropuerto y 42 miyon americanonan tin menos placa pa compra comestible. Prijs di seguro medico ta subi te na dak.
Merca ta limita trafico aereo na 40 aeropuerto grandi di Merca pa motibo di shutdown
NEW YORK - E trafico aereo na cuarenta aeropuerto grandi na Merca lo tin cu wordo limita pa motibo di e shutdown den Merca. Minister di Transporte Sean Duffy a duna instruccion pa reduci e cantidad di buelo for di diabierna cu 10 porciento.
Candidato socialista Mamdani ta gana eleccion pa alcalde di New York
NEW YORK - E social-democrata Zohran Mamdani a sali gana e funcion di alcalde di New York. Medionan di Merca a informa esaki basa riba e voto cu ya a wordo conta. Te awor Mamdani a logra 50.3 porciento di e voto. E politico di 34 aña a competi contra e candidato Republican Curtis Sliwa y e candidato independiente y ex-gobernador di estado di New York, Andrew Cuomo. Desde prome tabata cla cu Sliwa no tabata tin chens den New York democratico Cuomo a risibi sosten di presidente Trump, pero esaki no tabata mira como algo util den e ciudad blauw di New York.
Follow NoticiaCla
