- Directie Voogdijraad ta participa su orarionan pa dianan di fiesta
- Ultimo 4 luna di 2024 so, a registra 2317 accidente di trafico na Aruba!
- WEB: Relaciona cu servicio afecta, lo no desconecta awa na december y januari
- AZV ta presenta relato 2024 relaciona cu Dia Internacional di Cobertura Universal di Salud
- A stop certamen di Miss Hulanda: ‘Out of date’
CBS: E indice di prijs di consumido a cay den October
ORANJESTAD - E índice di prijs di consumido (CPI) pa luna di October 2024 ta 109.19, loke ta representa un caida di 0.4% compara cu e indice di September 2024 (109.58).
E cambio di e CPI pa e ultimo diesdos (12) lunanan (October 2023 te cu October 2024) ta 1.0%, un caida di 0.7 punto di porcentahe (ppt) compara cu e periodo corespondiente di aña pasa (1.7%).
E promedio anual (ultimo 24 luna) di e tasa di inflacion pa e periodonan di October 2021 te cu October 2022 y October 2023 te cu October 2024 ta 2.0%, un caida di 2.1 ppt compara cu e 4.1% registra den e periodonan di October 2020 te cu October 2021 y October 2022 te cu October 2023.
Durante e luna aki, seis (6) di e diesdos (12) sectornan a registra caida di prijs. E caidanan cu tawata tin e mayor efecto riba e CPI a wordo registra pa e sectornan di “Transporte” (-2.4%) y “Vivienda” (-0.3%), causando un efecto di respectivamente, -0.32 y -0.08 ppt. E caidanan den e sectornan restante a contribui cu un efecto di -0.06 ppt riba e CPI di October 2024.
E caidanan aki a wordo contraresta parcialmente door di principalmente un subida den e indice di e sector di “Paña y sapato” (2.2%) cu a contribui cu un efecto di 0.05 ppt riba e CPI di October 2024. E subidanan den e sectornan restante a contribui cu un efecto di 0.05 ppt riba e CPI di October 2024.
E caida den e sector di “Transporte” a wordo causa principalmente door di un caida di 3.8% den e categoria “Gasto relaciona cu uso di vehiculo di transporte personal”, causando un efecto di -0.31 ppt. E caida den e sector di “Vivienda” a wordo causa door di un caida di 1.5% den e categoria “Mantencion y reparacion di vivienda”, causando un efecto di -0.09 ppt.
E subida den e sector di “Paña y sapato” a wordo causa door di un subida den e categoria “Paña” (2.9%), causando un efecto di 0.05 ppt.
CANASTA DI CONSUMO
E canasta di consumo di e CPI ta consisti di 408 bienes y servicionan. Compara cu September 2024, 41.4% di e bienes y servicionan aki a conoce un aumento di prijs causando un efecto di 0.50 ppt, mientras cu 38.2% ta mustra un caida di prijs, cu a contribui cu un efecto di -0.86 ppt y pa e restante 20.3% no tawata tin cambio den prijs. Prijsnan di bienes a baha cu 0.6% y a causa un efecto di -0.35 ppt. Prijsnan di servicionan practicamente no a cambia compara cu September 2024 y a causa un efecto insignificante riba e CPI di October 2024.
Lotto di Dia tin Early Christmas Special Roll Down awe!
All To Car ta Expande cu Showroom y Tres Marca Nobo
DIMP:Lo atende cu entrega di nummerplaat dii auto 2025 solamente cu cita
ORANJESTAD – Departamento di impuesto di Aruba (DIMP) ta cla pa cuminsa reparti plachi di number di auto pa 2025. Durante un conferencia di prensa diamars, nan a anuncia e cambionan cu lo tin e biaha aki, pa asina agilisa e proceso mucho mas miho cu añanan anterior. E cambio mas grandi ta cu lo haci esaki conforme cita, enbez di reparti pa esun cu yega prome. E formula aki ta igual na esun cu Censo ta usando pa nan citanan diario. Asina e director Luenne Gomes Pieters a anuncia.
Aruba riba e ‘shortlist’ pa premio ‘Routes Americas Award’ pa aeropuerto y destinacion
ORANJESTAD – Aeropuerto Reina Beatrix di Aruba ta riba e asina yama ‘shortlist’ pa e premio grandi di 'Routes Americas Award', segun e portal internacional 'aviationweek'. Hunto cu Corsou nan ta nomina pa e premio cotidia. Ademas, tin tambe e premio di destinacion, pa cual e oficina di turismo di Aruba, Aruba Tourism Authority ta nomina. Aki tambe, Corsou su oficina di turismo ta nomina pa destinacion Corsou. Pa loke ta aeropuerto, Aruba ta riba e lista di 5 aeropuerto internacional cu ta procesa bou di 4 miyon pasahero pa aña. E lista completo ta esaki:
Prijs di gasoline na Aruba ta baha diaranson awor
ORANJESTAD - Minister di Asuntonan Economico, Comunicacion y Desaroyo Sostenibel ta anuncia e prijsnan nobo di benta di combustibel entrante 11 deember 2024:
BCA a establece e di dos foro di pago nacional cu enfasis riba scams, fraude digital y inclusion financiero
ORANJESTAD – Na 2023, Banco Central di Aruba (BCA) a establece e plataforma di pago yama ‘Foro di Pago Nacional’ (FPN), cu ta dedica solamente na e topico di pago. E FPN ta trece tur stakeholder relevante hunto, esta e proveedornan y consumidornan di servicionan di pago. E di dos conferencia di FPN a tuma luga dia 21 di November 2024. Casi 90 stakeholders a participa discutiendo varios topico relevante den e area di pago. E agenda a focus riba scams, fraude digital y inclucion financiero, cu keynote speakers y discusionnan di panel cu expertonan local y internacional.
Follow NoticiaCla
