FIFA: Fuera di descualifik’e, a sanciona Barbados cu multa

ZURICH- Fuera di descualifica e ekipo di Barbados pa usa un hungado illegal contra e partido di Aruba 14 di juni ultimo, FIFA a sanciona e asosacion di futbol di Barbados, (Barbados Football Association (BFA)) cu un suma di 6.448,34 dollar mericano. NoticiaCla.com a bin cu e primicia di e informacion dos dia pasa, y FIFA awor ta informa cu tin pues un multa tambe, como parti di e sanction. “E partido ta declara illegal y ta duna Aruba 0-3 gana” FIFA a declara riba su website.

ARTICULO

Segun FIFA, e la basa su mes riba e articulo 55, cu ta indica claramente e tipo di sanction ora cu kibra un regla manera esun cu a wordo kibra. “E sanccion tin efecto inmediato y como consecuencia, Aruba lo cualifica awor pa e proximo buelta di e 2018 FIFA World Cup Russia qualifier.

PROBLEMA

E noticia sigur tabata bon Aruba. Problema ta cu no ta conoci con lo sigui cu e ekipo di Aruba, mirando tur loke a sosode despeus di e partido. E entrenador tambe a entrega su retiro, pues tin varios incertidumbre riba e tereno aki. Pero, Aruba ta pasa pa e siguieinte buelta. Tin cu haya sa tambe fin di luna di july, ken ta bira e contrincante di Aruba. Te cu ayera, no a haya un solucion ainda.