- Doño di Tesla, Elon Musk por gana un bonus di 1 biyon dollar
- Colaboracion pa aumenta exito di estudio pa studiantenan Caribense ta haya continuacion
- Ajax a despedi entrenador su John Heitinga despues di mal cuminsamento di temporada
- Minister Croes a firma acuerdo na Bonaire pa Vierlanden Overleg Enseñansa y Cultura
- Gobierno di Aruba a emiti conseho di biahe negativo pa Venezuela y Haiti
Ministerio di Labor ta informa encuanto oranan di trabou liber pa por eherce derecho di voto riba dia di eleccion segun e Ordenansa Electoral
(ADVERTORIAL)
Ministerio di Labor, Energia & Integracion y Departamento di Labor y Investigacion
ta informa encuanto oranan di trabou liber pa por eherce derecho di voto riba dia di eleccion segun e Ordenansa Electoral (Kiesverordening).
Articulo 39 Ordenansa Electoral:
E votamento ta cuminsa 8 or di mainta y ta dura te 7 or di anochi.
Articulo 40 Ordenansa Electoral:
Tur dunado di trabou ta obliga di percura pa su trahado, cu tin derecho di voto, tin riba dia di eleccion durante e tempo stipula den articulo 39 pa vota minimo 4 ora di trabou consecutivo liber, a menos cu e trahado durante e oranan cu e eleccion ta tuma lugar ya caba tin 4 ora consecutivo liber riba un otro base. E dunado di trabou ta obliga di percura pa mas tarda un siman prome cu e dia di vota, e tempo cu e trahado ta haya e oportunidad pa vota, wordo poni na su conocemento.Interpretacion:
Esencia di articulo 40 §1 di Ordenansa Electoral ta cu e dunado di trabou mester percura pa den su compania e trahadonan cu tin derecho di voto riba diabierna 06 di december proximo haya por lo menos 4 ora consecutivo liber den e periodo cu local di votamento (stemlokaal) ta habri, pues entre 8 or di mainta y 7 or di anochi. E pensamento tras di esaki ta cu tur trahado cu tin derecho di voto mester haya suficiente oportunidad pa haci uso di esaki.
Excepcion:
E trahado cu den e periodo cu local di votamento ta habri ya caba tin 4 ora consecutivo liber riba otro base (p.e. e trahado normalmente ta traha mita dia so of e trahado tin un shift hopi tempran of hopi laat), no por haci un apelacion serca su dunado di trabou pa e 4 oranan di trabou liber.
Ehempelnan:
E votado cu ta traha di 7:30 or te 12 or di merdia y di 1 or te4:30 or di atardi lo mester haya liber di 7:30 or te 11:30 or di merdia of di 12:30 or te 4:30 or di atardi. E votado cu ta traha ‘part-time’ di 8 or te 12 or di merdia no por haci apelacion riba e 4 oranan di trabou liber. E votado cu ta traha shift di 7 or di mainta te 3 or di merdia tampoco por haci apelacion riba e 4 oranan di trabou liber. Esaki ta conta tambe pa e votado cu ta traha un shift di 12 or di merdia pa 8 or di anochi of un shift di 3 or di merdia pa 11 or di anochi.Adicional na e obligacion di e dunado di trabou pa permiti su trahadonan cu tin derecho di voto e tempo liber pa nan eherce nan derecho di vota,articulo 628 §4 y §5 Codigo Civil di Aruba ta stipula cu e trahado ta mantene su derecho riba salario pa e oranan liber cu e ta haya pa eherce e derecho aki.
Departamento di Labor y Investigacion ta pidi tur trahado y principalmente dunadonan di trabou pa tene bon cuenta cu e informacion aki.
Colaboracion pa aumenta exito di estudio pa studiantenan Caribense ta haya continuacion
KRALENDIJK - Di mas guia ora di scoge estudio, te intercambio di stage y di estudio. E programa ‘Education Alliance’ (SEA) ta un iniciativa importante entre gobiernonan y instansianan di enseñansa di Aruba, Corsou, Sint Maarten y Hulanda. Su meta ta pa haci transicion pa enseñansa superior mas facil y prepara studiantenan miho pa un estudio na Hulanda of otro caminda. Awe a prolonga e programa aki pa aumenta exito den estudio pa studiantenan Caribense te cu 31 di december 2028.
Minister Croes a firma acuerdo na Bonaire pa Vierlanden Overleg Enseñansa y Cultura
KRALENDIJK - Den e asina yama 4 landen overleg di enseñansa y cultura teni na Bonaire, minister Gerlien Croes di Aruba hunto cu ministernan di Corsou, St Maarten y Hulanda, a firmando acuerdo pa continuacion di colaboracion entre nos islanan y Hulanda den Educacion y Cultura.
Gobierno di Aruba a emiti conseho di biahe negativo pa Venezuela y Haiti
ORANJESTAD - Periodicamente gobierno di Aruba conhuntamente cu Ministerio di Asuntonan Exterior di Reino Hulandes ta sigui di cerca e desaroyonan na e paisnan den nos region. E situacion na Venezuela y Haiti ta sigui ta un punto di preocupacion y mientras anteriormente Departamento di Relacionnan Exterior a informa cu e areanan alarmante ta marca cu codigo cora y oranje. Awendia nos ta informa cu full a mapa di tanto Venezuela como Haiti ta marca cu codigo cora. Un region marca cu codigo cora ta significa cu ta desconseha pa biaha pa e area. Den caso cu un persona dicidi di biaha pa e area aki y haya su mes den un problema, embahada Hulandes na e pais lo no por brinda ayudo.
Aruba ta anfitrion di training di nivel halto di sancionnan di UE pa instancianan di gobierno
ORANJESTAD – E seminario ehecutivo titula “EU Sanctions in Practice: Effectiveness, Judicial Review, and Compliance” ta tumando lugar riba dianan 3 y 4 di november 2025. E training aki, organisa pa Dienst Buitenlandse Betrekkingen (DBB) y ehecuta pa European University Institute (EUI), ta trece hunto den un solo lugar, expertonan legal y UE, profesionalnan riba tereno di cumplimento (compliance) pa fortifica e capacidad institucional di Aruba pa mantene su mes na regimennan di sancion internacional.
Segun Eman, Aruba a perde su autonomia financiero cu LAFt y no awor cu ley di HOFA
ORANJESTAD – Ta for di introduccion di e ley di supervision financiero esta e LAFt, Aruba a perde su autonomia financiero y no awor cu e rijkswet HOFA. Asina prome minister Mike Eman a bisa den e programa Noticiacla LIVE diamars anochi.
Eman: Gasto halto no ta pakico no a manda minister plenipotenciario pa Hulanda
ORANJESTAD – E motibo pa cual Gabinete AVP-FUTURO por lo pronto no ta manda un persona Hulanda pa fungi como minister plenipotenciario pa Aruba na Den Haag, no ta debi na gasto. Por lo menos asina prome minister Mike Eman a bisa diamars anochi den e programa Noticiacla LIVE. Esaki siendo cu menos cu un luna pasa, colega minister Gerlien Croes a bisa cu ta netamente esey tabata e motibo, ilustrando cu un tabel di gasto di e puesto, cu ta mas barata pa un minister di Aruba biaha cada bez ora cu mester pa Aruba. Pero, ayera nochi, Eman a conta un otro storia, esta dismitiendo cu esey ta e motibo. E motibo, ainda nan ta evaluando pero pa aworaki no ta manda un persona mas. Siendo cu tabatin un persona aproba caba pa bay. Pa wak e declaracion haci di Eman, click AKI.
Follow NoticiaCla
