- Lotto Roll Down Early Christmas a produci 70 feliz ganador
- Macron ta apunta François Bayrou como prome minister nobo di Francia
- Directie Voogdijraad ta participa su orarionan pa dianan di fiesta
- Ultimo 4 luna di 2024 so, a registra 2317 accidente di trafico na Aruba!
- WEB: Relaciona cu servicio afecta, lo no desconecta awa na december y januari
Prijs di fruta y berdura na Corsou ta casi tres biaha mas halto cu na Aruba y Boneiro
WILLEMSTAD – Un estudio di sector di Fair Trade Authority Curaçao (FTAC) ta mustra cu prijsnan pa batata, berdura y fruta na Curaçao ta significativamente mas halto cu den region. Miéntras ku preisnan a subi ku kuarenta porshento riba Aruba i ku sinkuenta porshento na Boneiru, konsumidónan na Kòrsou mester paga 300 porshento mas.
Curaçao ta dependé pa gran parti di importashon, ku nobenta porshento di su kuminda ta bini di eksterior. Gastunan haltu di transporte i almasenamentu en partikular, kombiná ku restrikshonnan di importashon i inefisiensianan den e kadena lokal, ta kontribuí na e oumento aki. Ademas, e suministro limitá di produktonan kultivá lokalmente ta hasi e isla vulnerabel pa moveshonnan di preis mundial.
Ta impreshonante ku miéntras ku inflashon ta un problema mundial, e oumento di preis di e produktonan básiko aki na Kòrsou ta surpasá hopi e oumento bou di partnernan komersial. Esaki ta oumentá e preshon finansiero riba kasnan i ta oumentá e gastunan pa horeca i turismo.
Por ehèmpel un kilo di batata na Kòrsou ta kosta averahe tres biaha mas tantu ku na Aruba, i tomati hopi bia ta asta kuater biaha mas karu ku na Boneiru. E demanda pa produktonan kultivá lokalmente ta kresiendo, pero produkshon ta keda chikitu debí na gastunan haltu pa awa, energia i man di trabou.
REKOMENDASHONNAN
FTAC ta rekomendá un evaluashon profundo di e legislashon i regulashonnan vigente, manera polítika di importashon i regulashon di preis. E rapòrt ta enfatisá ku reformanan ta nesesario pa redusí e diferensianan di preis aki i mehorá akseso na kuminda pagabel. NOTA: Texto scirbi den Papiamento fonetico di Corsou.
Gobierno: ‘No por obliga banconan comercial pa habri cuenta pa tur hende’
WILLEMSTAD.- No ta posibel pa obligá bankonan komersial hasi negoshi ku personanan ku no ta kuadra ku nan modelo di negoshi i ku ta trese riesgonan no deseá pa e banko. Asina gobièrnu ta indiká. Tabata parlamentario independiente, Zita Jesus-Leito, ku durante tratamentu di e lei pa gobièrnu garantisá un kuenta bankario básiko pa tur hende a puntra si no por obligá bankonan komersial pa habri nan servisionan pa tur hende.
Gobierno di Corsou ta studiando posibilidad pa habri un banco nacional
WILLEMSTAD - Gobièrnu ta hasiendo e estudionan i wak e posibilidatnan pa habri un tipo di banko nashonal. E estudio aki ta inkluí e posibilidat ku ta inkluí Giro Settlement Holding (GSH) den e plannan aki. E aspekto importante ku mester tene kuenta kuné ta ku Kòrsou tin diferente banko ku ta ehersé un ròl komunitario manera Korpodeko i Banko di Desaroyo di Antianan Hulandes, OBNA.
Compania di aviashon na Hulanda ta ninga traslado di comersiante pa Corsou
WILLEMSTAD.- Ayera Corte di promé instansia a bolbe posponé e kaso ku a haña e nòmber ‘lync’ di Marvin T.(41). Ta trata di e komersiante ku a keda sekuestrá dia 10 di yanüari 2024. Despues e kaso a kue un otro buèlta i e komersiante ta keda akusá awor pa forma parti di un organisashon kriminal, trafikashon di kokaina, labamentu di plaka i falsifikashon di dokumento.
Na Corsou, Parlamento ta gasta mas cu 630 mil florin na biahe
WILLEMSTAD - E gastunan di biahamentu di parlamento a oumentá di mas ku 550 mil florin na aña 2023 te na 630 mil florin te ku luna di òktober di aña 2024. Esaki ta un oumento supstansial den gastu di pasashi i “daggeldvergoeding” ku kada parlamentario ta risibí.
Banco Central di Corsou ta pronostica ola nobo di migrashon for di Venezuela
CARACAS - Banco Central di Corsou ta pronostica ola nobo di migrashon for di Venezuela. Asina e portal Venezolano el impulso ta bisa. Segun e porta, Gobierno di Corsou tambe a tuma un medida pa tuma enfrente di e potencial di un ola migratorio nobo cu ta bini for di Venezuela, un medida cu ta intensifica sanshonnan interno contra di gobierno di Nicolás Maduro.
Despues di apenas un aña, Edson Hato ta retira como representante di Vertegenwoordiging van Nederland
WILLEMSTAD – Despues di apenas un aña, sr. E. (Edson) Hato, MBA, a duna di konosé ku e lo sigui ku su karera otro kaminda. Entrante 1 di desèmber 2024, e lo stòp di representá Hulanda na Aruba, Kòrsou i Sint Maarten.
Follow NoticiaCla
