Aeroliña Mericano Spirit Airlines a pidi proteccion contra bancarota

NEW YORK – E aeroliña Americano Spirit Airlines a pidi huez federal pa proteccion contra bancarota dialuna. Esaki como consecuencia cu e aeroliña no a logra haya aprobacion pa un fusion cu e aeroliña JetBlue. E peticion di proteccion ta manera un tipo di surgeance van betaling, pa asina proteha e aeroliña di creditornan, y pa e por restructura e aeroliña financieramente, sin cu un creditor por demanda su bancarota. E aeroliña a sigura cu e lo keda opera normalmente y cu e clientenan por sigui reserva buelo y cumpra pasashi sin problema. E aeroliña ta efectua varios buelo semanalmente pa Aruba.