Defensa di Otmar Oduber a pidi huez declara OM inadmisible den caso Flamingo

ORANJESTAD – Den un acto hopi inusual dialuna mainta na comienso di tratamento di e caso penal Flamingo, abogado di sospechoso principal di e caso penal, mr Vito Carlo a pidi huez pa declara Ministerio Publico como inadmisible y asina cancela e caso completo. Esaki pasobra segun e abogado, Ministerio Publico a conduci un investigacion ilegal, incorecto pa cual no por continua cu e caso mas. Den un defensa cu basta documentacion, e abogado a cuminsa su defensa riba e peticion aki, pa asina convence e huez cu e caso no por continua. E abogado a bay den hopi detayes, pa asina convence e huez di su intencion. 

NOTA ANTERIOR

Dialuna mainta e sospechoso a confirma e punto aki, argumentando cu e motibo pa e peticion inusual aki, ta pa motibo cu OM a comete abuso di poder. Y cu esaki e tabata kier a dicta e caso completo como ‘inadmisible’

SOSTEN DI OTRO ABOGADONAN

Notable ta cu mesora abogadonan di e demas sospechosonan di e caso, mesora a informa huez cu nan ta uni nan mes na e demanda ‘inusual’ di abogado pa e sospechoso Oduber. 

KICO TA PASA AWOR

E siguiente paso tabata pa huez determina y dicta riba e peticion aki. Dado caso cu huez acepta e peticion, e por declara OM inadmisible, y asina para e caso completo. Di otro banda, e por rechasa e peticion, y asina ordena pa e caso continua manera tabata planea. Esey lo nifica un tardansa chikito den e caso, ya cu e tempo planea pa trata e prome parti, lo a vence ya cu e abogado di e sospechoso a usa e tempo inicial pa e ‘peticion inusual’.