- Gabinete AVP-Futuro: 100 Dia di liderazgo hunto, compromiso y progreso
- Gobierno ta anuncia aumento pa e.o. subsidio escolar
- AHATA: Alohamento na ‘AirBnB’ a crece y no na hotel
- Aruba Marriott Resort & Stellaris Casino ta nombra Arubiano como gerente nobo
- ATIA: Blackout ta costa comercio di Aruba miyones!!
Mauritsz de Kort : Tin necesidad pa un miho proteccion di deurwaardernan riba islanan Caribense
PHILIPSBURG - Durante e seshon di instalashon na Corte di Sint Maarten, e Presidente di Korte Komun, Sr. Mauritsz de Kort, a expresa su preocupashonnan tocante e falta di proteccion hurídico i exigencianan di entrenamento pa e deurwaardernan riba e islanan Caribense. De Kort a enfatisa cu Sint Maarten, mescos cu Aruba y Curaçao, no ta ofrece criterionan di formacion cla ni garantianan legal pa e profesionalismo di deurwaardernan, loke por mina e calidad y integridad di e profesion.
Ademas di e situacion specífico pa deurwaardernan riba Sint Maarten, caminda tin asta un ordenansa nacional, De Kort a mustra riba e importancia di un acercamento cla denter di Reino. El a hasi un yamada na e cuater Ministernan di Husticia pa desaroya un norma conhunto ku ta incluí tanto kriterionan di admision como entrenamento obligatorio. “Sin guianan cla, tin un riesgo di aumento di desigualdad y desigualdad denter di e profeshon,” e Presidente di Corte a bisa. El a yama esaki esencial pa garantisa e calidad di e tereno huridico y proteccion huridico pa tur residente riba e islanan.
De Kort a referí tambe na e modelo di e Academia di Corte, cu ta ofrece empleadonan di Corte acceso na educacin permanente i mas formacion, y a sugerí un instituto di formacion similar pa abogadonan cu ta practica riba e islanan. El a menciona e Centro Surinam pa Democracia y Husticia como un fuente di inspiracion. NOTA: Texto cortesia Curacao.nu
Seis prezo di Sint Maarten temporalmente traslada pa Boneiro
KRALENDIJK – Recientemente a traslada seis prezo di e prizon Point Blanche na Sint Maarten pa Boneiro. E movementu ta sigui despues di un candela recien na e prizon dia 14 di mei ultimo y tencionnan pa motibo di derechonan di detencion limita y condicionnan malo, incluyendo scarsedad di personal y falta di facilidadnan. Abogadonan ta keha tocante e falta di consulta durante e traspasonan y e confidencialidad reduci di comunicacionnan. Autoridadnan ta enfatisa cu e traspaso ta temporal. Unabes cu e situacion riba Sint Maarten ta bou di control, e prezonan lo regresa. Ta bon pa menciona cu Aruba tambe a manda refuerso pa e isla ora cu e problema despues di candela a surgi.
Hefe di polis di St Maarten scogi como prome Vice Presidente di ACCP
GEORGETOWN/PHILIPSBURG – Durante e di 39 Reunion Anual di e Association of Caribbean Commissioners of Police (Asociacion di Hefenan di Polis Caribense (ACCP), cu a tuma luga di 12 pa 16 di Mei 2025 na Arthur Chung Conference Centre na Georgetown, Guyana, Comisario Carl John, Hefe di Cuerpo Policial di Sint Maarten y Presidente di e Colegio di Hefenan di Polis di e parti Caribense di Reino Hulandes, a keda scogi como prome Vice-presidente di ACCP.
Bon gobernacion y empresario lokal ta central durante bishita di Szabó na Boneiro
KRALENDIJK – Secretario di Estado Zsolt Szabó (Digitalisacion y Relacionnan den Reino) ta na Boneiro di 25 pa 28 di mei. Ademas di e discucionnan cu Conseho Ehecutivo, Gobernador y Representante Nacional Interino, Sr. Szabó lo bishitavarios compania y organisacion social. E prioridadnan clave di e Secretario di Estado ta autosuficiencia economico, bon gobernacion y finansa solido. Tur e topiconan aki ta wordo discuti durante e combersacionnan.
Reunion na Antigua a confirma cu turismo pa Caribe ta den bahada pa cuartal 3 di 2025
ANTIGUA – Durante e reunionan di turismo actual na Antigua, ATA a confirma cu turismo pa Caribe ta den bahada pa cuartal 3 di 2025. Tambe por remarca cu e reunionnan ta refleha un Caribe den bahada pa loke ta turismo Mericano den cuartal 3 2025. Un Aruba cu si ta mustra stabil por lo general, pero cu necesidad di pusha extra tambe pa cu cuartal 3 2025. Preocupacionnan pa cu e situacion na Merca a wordo subraya pero di otro banda tambe e resiliencia di e mundo di biahe y turismo y di Aruba, cu ta sigui ta parti di e top 5 di destinacionnan mas fuerte den Caribe.
Aruba ta presenta su vision pa sector agricola modern durante DCALFA na Boneiro awe
KRALENDIJK - Durante Dutch Caribbean Agriculture, Livestock, and Fisheries Alliance (DCALFA), cu ta inicia awe na Boneiro, minister Geoffrey Wever ta representa Aruba. Minister Wever ta presente hunto cu Sra. Nathalie Maduro di Santa Rosa y Sra. Maria Dijkhoff-Pita di Departamento di Asunto Economico, Comercio y Industria (DAECI). DCALFA ta uni representante di tur isla den Caribe Hulandes y Hulanda mes, pa fortifica cooperacion den agricultura, cria di bestia y pesca — e base pa seguridad alimenticio y desaroyo economico duradero den region. Aruba lo presenta su vision pa un sector agricola moderno, innovativo y inclusivo, cu infrastructura clave manera Santa Rosa, e Agri-Innovation Park y e futuro Center of Excellence.
A re-establece orden den prizon na St Maarten despues di candela
PHILIPSURG - Ayera tardi, algu despues di 5or prizòn Point Blanche na St. Maarten a bati alarma pa kandela. Un parti di e prizòn a keda sendé na kandela. E kandela a bira unu grandi i ta basta huma pretu tabata sali for di e instituto penitensiaro.
Follow NoticiaCla
