Decenas di hende morto na China door di accidente di auto riba grupo di deportista

ZHUHAI - Den e ciudad sur di China Zhuhai, 35 persona a muri den un centro deportivo ora cu un auto a accidenta den nan. 43 persona tambe a resulta herida, e emisora ​​estatal Chines CCTV a informa. BBC ta raporta cu e choke a sosode pafo di un stadion, unda hopi hende tabata haci deporte e momento ey.

E chauffeur di e auto di 62 aña a keda deteni. Segun polis Chines, tabatin intencion. Ta ser bisa cu e homber tabata malcontento cu su divorcio.

E incidente a sosode na vispera di un show aereo importante incluyendo avionnan militar. Relaciona cu esaki, e tempo ei tabatin medidanan di seguridad estricto na vigor.

Presidente Xi Jinping a bisa cu mester haci tur cos pa trata e heridonan. Tambe e ta exigi pa e malhechor wordo castiga.

E compleho deportivo, caminda centenares di residente regularmente ta bin haci ehercicio riba, entre otro, un pista di atletismo y un cancha di futbol, ​​lo keda cera te proximo aviso.