Gol ta anuncia ruta nobo nonstop pa Aruba for di Argentina

BUENOS AIRES - E aerolinea brasileño Gol ta sigui expande su presencia den e mercado internacional y, na e ocasion aki, a anuncia un ruta nobo cu lo permiti e argentinonan biaha directamente pa e beachnan paradisiaco di Aruba. Asina e portal nexuscontenido ta raporta. E servisio aki, cu lo cuminsá dia 18 di desèmber 2024, lo ta un logro pa turismo regional, ya ku e lo permití pasaheronan biaha sin mester pasa dor di Merka, un barera signifikante pa hopi Argentino ku no tin un visa pa e pais ei.

RUTA NOBO: AEROPARQUE – SAN PABLO – ARUBA

E conexion aereo nobo lo sali for di e terminal di Aeroparque na Buenos Aires, cu un escala na São Paulo, Brazil. Despues e pasaheronan lo tuma un vuelo directo pa Aeropuerto Internacional Reina Beatrix na Aruba, e aeropuerto principal di e isla Caribense.

Gol lo ofrece te cu tres frecuensha semanal durante e temporada haltu di zomer, loke lo hacie mas facil pa Argentinonan haña acceso na un di e destinashonnan mas exclusivo den Caribe, sin tin cu atendé cu e proceduranan di visa cu normalmente ta necesario ora di biaha dor di Merca .

E ruta nobo aki no solamente lo beneficia e biaheronan Argentino, pero tambe ta dirigi na encurasha turismo pa Brazil y e region, permitiendo e mas di 100.000 habitantenan di Aruba pa conecta cu Brazil y otro paisnan Sur Americano a traves di e red di vuelo extenso di Gol.

BOEING 737 MAX 8 AVION PA BUELONAN SOSTENIBEL

Buelonan pa Aruba lo wordo opera cu Boeing 737 MAX 8 moderno y eficiente, un modelo cu ta distingui pa su impacto abou riba medio ambiente. E avionnan aki, cu den configuracion internacional tin un capacidad pa 176 pasahero, ta forma parti di e flota mas sostenibel di e aerolinea Brasileño.