- Le Lanchon: Gaia House of Grill ta Aruba su ‘upscale’ restaurant mas nobo di Aruba
- Prijs di gasoline ta habri aña cu un reduccion considerabel diaranson
- Cantante Julio Iglesias (82) acusa di violacion y explotacion di empleadonan hoben
- Tres shen studiante caribeño lo ricibi guiamento adicional pa nan estudio na Hulanda
- Rey Willem-Alexander: ‘Hulanda y Corsou lo yega leu na Mundial’
Center League U8 Aruba a keda na di tres luga na Punta Cana
ORANJESTAD – E ekipo di Aruba Center League U8 a keda na di tres lugar den e torneo Bambinos 2024. Diaranson 6 di November 2024 nan a bolbe Aruba contento cu nan respectivo medayanan obteni.
E TORNEO
Tabata diaranson, 30 di october, cu e seleccion a biaha pa Santo Domingo pa representa Aruba den e torneo Bambinos 2024. E weganan a bay hopi bon pa Aruba.
Dia prome di november e ekipo di Center League Aruba a encontra e ekipo Thunders di Puerto Rico y nan a gana 19 pa 8.
Dia 2 di november nan a encontra e ekipo Javilla Rojo di Republica Dominicana y Aruba a gana cu un score aplastador di 42-11.
Dia 3 di november Aruba a encontra e ekipo Javilla Azul di Republica Dominicana; segun nan propio manager ‘un seleccion traha den pura pa hunga contra Aruba’, y eynan ta e caminda cu nos muchanan a perde 8 pa 12.
A pesar cu Aruba a keda na di 2 luga den standings, pero door cu a perde contra Azul, Aruba a hunga dia 4 di november pa di 3 of di 4 luga, un biaha mas contra e ekipo Javilla Rojo caminda Aruba a gana 32-4, pues a keda na di 3 luga y e muchanan y e coachnan ta satisfecho.
E ekipo ganado ta Bolo Piroco di Puerto Rico cu no a perde ningun wega; un ekipo cu Aruba lastimamente no a topa den playoff.
Pa e muchanan di Center League e tawata un honor di por a representa nan isla y nan bandera den e torneo, y sigur, pa Aruba en general, e ta algo historico, mirando cu ta e prome biaha cu e liganan U6 y U8 por a representa Aruba den un torneo di Little League internacional den exterior. Por bisa cu e ta un experiencia grandi pa e muchanan y cu sigur lo yuda nan den nan desaroyo di baseball. Aruba U8 a bataya cu curason y a bolbe na di 3 luga den e campeonato di un total di 6 ekipo: 1 di Aruba, 1 di Panama, 2 di Puerto Rico y 2 di Republica Dominicana.
Nos ta masha orguyoso di Austín de la Cruz, Brady Nedd, Daedrian Koolman, Eduard Flanegin, Ian de Windt, Joshua Thiel, J’Sean Toppenberg, Liam Ruiz, Matthew Kock, Nathan Maduro, Rajiv Hernandis, Rushen Faria, Terrence Williams, Zeylan Werleman, y Zhaèr Thompson, y tambe di e manager di e ekipo Christopher Nedd, kende hunto cu coachnan de la Cruz, Flanegin y Koolman, a lucha pa hiba nos muchanan te final. Pabien muchanan!
Dumfries ta comparti despues di ‘operacion inevitabel’ bon notisia pa rumbo Mundial
AMSTERDAM – E hungador professional di futbol cu lazo arubiano, Denzel Dumfries a duna un actualisahe larg riba LinkedIn, unda e a bisa cu e ta bolbe mas lihe cu a spera despues cu e la sostene un operacion na su bandanan di enkel aña pasa. E la sigui hunga cu e herida pa un tempo largo. Segun e, den prome momento e a pensa: “E lo pasa mesora”. Asina e hungador seleccion Hulandes ta bisa tocante e partido di Internazionale contra Lazio na november, ora un oponente a cay riba su enkel y e a lesiona.
Tur cos ta mustra cu e aña aki si Andruw Jones ta drenta Salon di Fama di MLB
COOPERSTOWN – Tur cos ta mustra cu e aña aki porfin, e yiu di Corsou Andruw Jones ta drenta National Baseball Hall of Fame pa medio di e Baseball Writers’ Association of America. Esaki ta e salon di fama mas prestigioso deportivo. Jones tabata eligible ya 7 aña, pero no a logra pa falta di sosten/voto. Pa un hungador keda eligi, e mester surpasa 75% di voto. Na e momento aki, tin tres hungador cu ta cumpli cu cu esaki. Carlos Beltran (100%), Andruw Jones (95%) y Chase Utley (90%).
Andruw Jones ta bula 83% riba e boleto di Salon di Fama baseball grandes ligas
WILLEMSTAD - Despues ku ayera a aktualisá e kantidat di boleto ku a keda revelá, Andruw Jones ta sigui kana riba e bon kaminda. Despues ku den e edishon di ayera di deporte EXTRA ku Andruw Jones tabata paresé riba 82.9% di boleto, despues di e aktualisashon awor e ta riba 83.8% di boleto. Te ku ayera nochi un total di 130 boleto a keda revelá, di kua 123 tabata públiko i 7 anónimo. Esaki ta bon pa 30.7% di tur boleto, ku ta nifiká ku falta awor ménos ku 300 boleto pa keda revelá. Andruw ta sigui gosa di aseptashon di tur manera serka eskritornan. Un total te ainda di 9 eskritor ku aña pasá no tabatin e yu di Kòrsou riba nan boleto.
Fanaticonan di pais contrincante di Corsou pa mundial di futbol cu prohibicion pa drenta Merca
WASHINGTON - Un proclamacion firmá pa presidente Trump a amplia e restriccionnan di biaha di su administracion riba diabierna pa inclui e participantnan di Copa Mundial 2026, Costa de Marfil y Senegal. E dos nacion africano a wordo agrega na lista di prohibicion di biaha cu loke e declaracion di Casa Blanco a yama “restriccionnan parcial y limitacionnan di entrada”, actualmente e categoria menos severo entre tur e paisnan cubri. Despues di e anuncio di diabierna, e lista completo awor tin 39 pais. E prohibicion amplio ya ta inclui dos pais cu lo participa den Copa Mundial: Haiti y Iran, cu ta suheto na e restriccionnan mas duro.
Portugal ta reemplasa Zandvoort riba calendario di Formula 1 for di 2027
PORTIMAO – E Grand Prix di Portugal lo bolbe riba e calendario di Formula 1 for di 2027. E careda na Portimao ta reemplasa Gran Prix di Zandvoort, cu lo desaparece for di e calendario despues di 2026. Gran Prix di Zandvoort tabata parti di e temporada di Formula 1 for di 2021 y lo tene su ultimo edicion aña benidero. Max Verstappen a gana tres biaha (2021, 2022 y 2023), Lando Norris a gana un biaha (2024) y temporada pasa Oscar Piastri tabata e ganador.
Pitcher di grandes ligas, yiu di Corsou Kenley Jansen a firma cu Detroit pa 11 miyon dollar
WILLEMSTAD – Kenley Jansen,den fin di siman ultimo, a firma un kontrato pa un temporada cu Detroit Tigers, cu un opcion na fabor di e ekipo pa un di dos aña. E closer yiu di Corsou, cu cuatro aparicion den All-Star Game y veterano di 16 temporada den MLB, a firma un contrato di 11 miyon dollar pa temporada 2026, cu un opcion pa e ekipo retene el pa 2027. E acuerdo ta pendiendo di su examen fisico, locual ta algo normal cerca tur pelotero profesional.
Follow NoticiaCla
