Encuesta di Noticiacla: San Nicolas ta sigui ta e districto suak di partidonan politico

ORANJESTAD – Si sigui e resultado di e encuesta politico mas recien di Noticiacla cu a keda publica diaranson (ayera), por compronde e motibo di e invasion di mayoria partido politico e fin di siman den San Nicolas. Cu excepcion di partido MEP, AVP y hasta HTC, tur otro partido ta hopi debil den e parti aki di Aruba. Hasta pa partidonan MEP y AVP, San Nicolas ta e districto mas suak pa nan. E unico partido cu tin mas simpatisante na San Nicolas, segun e encuesta, ta partido HTC di Gilbert Web. 

CON E VOTONAN TA REPARTI

Pa Oranjestad, entre esnan encuesta, 64 ( 4%) persona a scohe San Nicolas, sigui pa AVP cu tabatin 12 persona (1%). E dos partidonan cu no a registra voto mes pa San Nicolas, tabata ACCION21 y RED. E partido HTC cu a haya menos voto den totalidad pa e encuesta, si tabata fuerte den San Nicolas. Di e 11 votonan total cu e partido a haya di e encuesta, 6(0,4%) tabata pa San Nicolas y despues e otro districtonan di cual Oranjestad y Paradera no tabatin ningun voto, pues no a registra presencia di e partido aki den e dos districtonan aki. E partido RAIZ segun e encuesta, no tabatin presencia den Savaneta, pasobra aki e no a haya ningun voto. PPA su districto mas fuerte tabata Santa Cruz, cu 13 (1%) voto y San Nicolas y Paradera e tabata mas ‘malo’ cu 4 (0,3%) voto pa cada districto.  Pa partido MAS, segun e encuesta aki, Noord tabata su fuerte y Savaneta su mas debil cu 8 (1%)  y 1 (0,1%)voto respectivamente. CURPA ta fuerte den Oranjestad y tambe suak den San Nicolas, osea 13 (1%) y 1 (0,1%) voto respectivamente. NOTA: E puntonan di porcentahe ta ‘rond af ariba’, pa e articulo aki.