Listramento preventivo pa arma relaciona cu ASMF 2015

Posted on 6/27/2015, 12:15 PM AST | Updated on 6/27/2015, 12:21 PM AST

ORANJESTAD – Awe tardi polis ta cuminsa listra pa arma den dos area, relaciona cu e actividad di Aruba Summer Music Festival. Nan lo haci esaki di diasabra pa diadomingo 27 y 28 juni 2015. E area di riesgo di seguridad (veiligheidsrisicogebied) ta encera dos zone, esta:

E tereno di haf unda ‘Aruba Summer Festival’ ta tuma lugar, inclusivo e tereno di ex-Bushiri Hotel, rotonde di Wendy’s pa Centro di Playa Pabao, Cuquisastraat, oficina di dokter Croes, crusada di Santa Helenastraat/Lucianitastraat/Driemasterstraat, rotonde Ponton, crusada di RCA na Solito, rotonde Seroe Blanco, rotonde MIO, crusada di unda tabata Codemsa y rotonde di airport rumbo rotonde Las Americas y Nikki Beach. Caminda grandi di Ritz Carlton Hotel te cruzada di De Olde Molen, e toren na Bubali Plas (pa wak parha), Phoenix Hotel, luznan di trafico na Super Food pa rotonde Sasaki, Pizza Hut, Eagle Beach, Costa Linda Hotel back pa Ritz Carlton.

 E ordo pa preventief foulleren a wordo duna pa:

Diasabra 27 di juni 2015 pa 6’or di anochi te diadomingo 28 di juni 2015 pa 6’or di mainta.

E area den cual por fouilleer preventivamente riba posesion di arma di candela, a wordo apunta pa fiscal, despues di autorizacion di Huez-Comisario a base di articulo 12 lid 2, 13 lid 2 en 14 lid 2 di Ley di Arma di Candela (Vuurwapenverordening). Polis tin den e area di riesgo di seguridad aki e autorizacion pa para hende y ristra nan preventivamente na nan paña, pa habri tasnan y pakinan y investiga e contenido di esakinan y pa investiga vehiculonan riba posesion ilegal di arma di candela. NOTA. foto ta di archivo KPA.