Encuesta Noticiacla: Social media ta reemplasa tv y corant como medio principal pa campaña politico

ORANJESTAD – Si antes corant, radio y television tabata e media mas popular y usa pa partidonan politico propaga nan mes, awe e forma number uno pa haci esaki ta Social Media. Asina e encuesta mas recien di Noticiacla ta raporta awe. Un total di 60% di esnan cu a participa, ta bisa di ta ricibi nan informacion via Social Media. Y na casi penultimo lugar ta radio y corant na 3% y TV na 2%. Otro opcionnan mas halto tabata whatsapp (5%) y otro, cu ta posiblement email of bishita na cas

CON BO KIER INFORMACION

Y si ta pa esnan cu a participa den e encuesta, e trend aki mester sigui, esta Social Media pa nan ricibi nan informacion. Aki 56% a bisa cu nan ta prefera ricibi nan informacion via Social Media, y TV y corant ta na penultimo lugar cu 3%. Un grupo cu tambe a hala atencion ta esun cu NO kier informacion, cu 13%. 

DISCLAIMER

Manera tur encuesta di Noticiacla, e resultado aki tambe ta anonimo, y no scientifico. Ademas Noticiacla ta conciente cu esaki ta un encuesta electronico pues solamente acesibel na esnan cu tin internet y cu primordialmente ta sigui Noticiacla.com.  E encuesta a core di diaranson 30 di October 2024 pa diadomingo3 di November 2024  den cual un total di 1469 persona a participa na e encuesta aki.