Merca ta eligi su proximo presidente awe entre Trump y Harris

WASHINGTON - Merca lo tin un presidente femenino pa prome biaha of e pais lo eligi Donald Trump pa cuater aña mas? Awe, mericanonan ta depositando nan voto y e diferencianan entre e dos candidatonan presidensial ta enorme. Bou di tension halto y den un mundo turbulento, Merca ta prepara pa kisas e eleccionnan mas emocionante di tur tempo.

Cu e Capitolio ta ataca despues di e eleccionnan presidensial anterior ainda frescou den mente di hende, e divishonnan den e pais no a disminuí den añanan recien. Ademas, Harris y Trump tin un caminda completamente diferente den mente pa nan pais: nan ta diametralmente contrario na otro, pero apenas ta evita otro den e encuestanan. E incertidumbre tocante kico ta bini a gara e pais pa lunanan largo.

Ilustrativo di e ambiente tenso den e pais prome cu e eleccionnan, siman pasa, exaktamente un siman prome cu e eleccionan, un urna a sende na candela den estado di Washington. Mas o menos 500 voto a wordo salba, un cantidad desconoci a bay perdi. E candela a sigui incidentenan similar na Oregon y Arizona.