Venezuela a reduci exportacion pa islanan ABC debi na aumento di gasto operacional

FALCON - E presidente di Camara di Comersio y Turismo di Vela di Coro, Yoselis López, a indica cu e cantidad di boto cu ta sali cu produktonan nashonal di Falcón a baha.

For di e costanan di estado Falcón a surgi un reduccion den e cantidad di exportacion nacional pa e asina yama Islanan ABC (Aruba, Bonaire y Curacao), ta indica Yoselis López, presidente di Camara di Comercio y Turismo di Navegacion di Coro.

Aunke e no a specifica cifranan cu ta refleha e bahada, el a indica cu e bahada a wordo causa pa aumentonan di gastunan di operacion enbolbí den exportacion di productonan Venezolano pa e islanan Caribense aki.

Den e sentido ei, López a agrega cu e exportadonan ta wòrdo afecta pasobra, pa e mercansia por cuminsá nabega, “nan mester tin un kantidad signifikante di placa i e rendimento no ta asina substancial.”

El a destaca cu esaki a baha e cantidad di barcunan cu ta sali for di hafnan Falconian. “Nos a cuminsa door di pone bela cu dos barco, despues nan a subi te na 3, 4 òf 5 pero nan a baha debí na e gastunan di operacion cu esaki ta causa pa cada exportadó,” el a bisa.

Den un entrevista pa Unión Radio el a indica cu nan ta anticipa un recuperashon den e ultimo dos lunanan di aña.