Buskeda di personanan perdi na Spaña ta sigui, decenas di miles sin coriente

VALENCIA - E buskeda di personanan perdi a consecuencia di e tempo severo den zuidoost di Spaña ta continua awe. Por lo ménos 95 persona a muri debi na e awasero pisa y e siguiente inundacionnan. Awe ta e prome di tres dia di luto nacional den e pais.

Aunke mas cu 24 ora a pasa desde e inundacion catastrofico, ainda tin ciudadnan corta for di mundo exterior. Segun e emisora ​​Spaño RTVE, alrededor di 77.000 edificio tambe ta sin coriente den e provincia mas afecta, Valencia.

Mas trempan awe mainta, alrededor di 155.000 coneccion tabata sin coriente ainda, pero e compania di energia awor a restorá coriente na mas cu mitar di e coneccionnan. Generadornan ta cla pa conecta mas leu na e red di coriente mas pronto posibel.

E prome fase di e trabounan di rescate y limpiesa awor a keda completa, segun e presidente di e Comunidat Autonomo di Valencia, Carlos Mazón. Segun e, tur e personanan cu a huy riba nan dak awor a wordo rescata.