Matrimonio mesun sexo legal den tur 50 estado mericano

WASHINGTON – Un decision historico awe mainta pa Corte Supremo di Merca, a resulta cu parehanan di mesun sexo por casa legalmente den tur 50 estado mericano. Esaki ta elimina e prohibicion cu tabata vigente te awor. E voto no tabata uno facil, 5 pro y 4 contra, pero sigur uno cu a percura pa marca e historia. Presidente mericano Barack Obama awe mainta mesora a duna su comentario, indicando cu “Merca mester ta orguyoso”, y “ Nos a haci nos pais un poco mas perfecto”. ACtualmente 37 estado mericano ta permiti pareha di mesun sexo casa cu otro, y 13 estado ta(bata) contra. E bataya a wordo inicia pa e mericano homosexual Jim Obegerfell y su pareha, cu awe ta haya rason. Obegerfell despues di e sentencia, a haya un yamada di president Obama, pa felicite.