Homber relaciona cu accidente di trafico fatal, a entrega su mes

ORANJESTAD - Diaranson den oranan di anochi e homber J.J.R.D. naci na Venezuela di 44 aña a presenta na warda di Balashi compaña pa su abogado enconexion cu e accidente fatal cu a tuma lugar diadomingo madruga. Na warda di Balashi e la keda deteni pa cu e investigacion di e caso fatal aki. 

PROME DETENCION

Tabata diamars den oranan di merdia cu a detene un hende muher inicial A.C.C.D. nacionalidad Venezolano di 30 aña edad enconexion cu e investigacion cu ta tumando lugar pa loke ta e accidente fatal di diadomingo madruga. Inicialmente a kere cu e lo tabata e chauffeur cu a causa e accidente. A resulta despues cu e tabata e doño anterior di e auto, pero no e causante di e accidente. Aparentemente e lo a bende e auto. E auto mes a keda haya na Wela, completamene kima. 

E ACCIDENTE MES

Tabata diadomingo marduga cu un dama Colombiana a bira e di 9 morto di trafico diadomingo marduga.  Diadomingo marduga pa 01:10  Central di Polis a wordo notifico di un accidente na altura di Shiribana Bar & Restaurant na Paradera. E prome informacion ta cu un auto lo a alcansa un señora riba un  step . 

Central a despacha un patruya cu maximo urgencia.  Na yegado di e patruya a bin topa cu un señora ariba caminda y no ta duna señal di bida. Patruya a pidi ambulance cu maximo urgencia. Na yegada di ambulance e personal a haci nan maximo esfuerso pero lamemtablemente no por a haci nada mas pa e señora.  

Docter Valkuil cu ta dr forensico a presenta na e sitio y a constata morto di e señora Julieth Patricia Patiño Castro naci 15 november 1988 (35 aña) na Colombia.