Fraccion di MEP a keha vice presidente Staten serca gobernador

ORANJESTAD – Diahuebs merdia fraccion di MEP, lidera pa Evelyn Wever Croes a entrega un carta di protesta serca gabinete di gobernador, pa e forma con parlamento ta tratado e asunto di ley di Green Corridor. E problema ta cu vice presidente di staten, Chris Dammers no kier concede Wever e peticion parlamento busca un conseho serca Raad van Advies riba e proyecto Green Corridor. Mas concrecto, e aumento di suma di placa cu mester pa e proyecto. Segun Wever, e forma con gobierno y parlamento ta andando cu e proyecto aki, ta illegal, fraudulento y ta crea hopi duda.

GOBERNADOR

Ora cu despues di un intercambio sin fin diahuebs mainta no a conduci na nada, Wever a rabia y a mobilisa su fraccion y a busca un cita cu gabinete di gobernador. Pa merdia, tabata asina lew cu a haya un cita y bishita e gabinete topa cu e director di e kabinet.

PRECUPACION

Segun e carta cu a bay pa gobernador, e keho y ‘precupacion ta pas net den e participacion cu ta wordo spera di staten’ den proceso di garantisa un maneho financier sano. Wever como tal a entrega e carta di protesta na director di gabinete Rajen Budhu Lall. Lesa e carta aki.