Van Haasen (PVV) no ta impresiona cu premier Wever-Croes riba investigacion di integridad

DEN HAAG – Parlamentario Peter van Haasen (PVV) no ta impresiona cu un investigacion haci anteriormente riba integridad di administracion publico di Aruba.

E fin di siman aki, Prome Minister Evelyn Wever-Croes a reacciona cu iritacion riba e anuncio di Secretario di Estado pa Relacionnan di Reino Zsolt Szabó cu Transparency International lo wordo manda pa e paisnan Caribense. E y su coleganan di Corsou y Sint Maarten no a wordo informa door di dje di antemano. E Prome Minister a declará den un post riba Facebook ( y despues cu un comunicado di prensa) cu el a tuma un serie di medida pa prevení corupcion y a mustra riba un Estudio Nashonal di Integridat (NIS) cu a wòrdu kondusí dos aña pasá.

NO TA CREIBEL

Van Haasen riba Linkedin: “Pa ta berdaderamente kreibel, ta nesesario pa investigashonnan asina wordo hiba afo door di un instancia internacional independiente y no localmente – nos mester prevení cu e ta bira un asunto di ‘nos me cu nos me  ” ,   Parlamentario cu a descarta e refutacion di Wever-Croes.

“Cuminsa un discusion uno-pa-uno no tin sentido y solamente ta distraí for di loke realmente ta importante: Gobernashon confiabel y sano. Realidad ta cu Europa Continental ta ricibi mas informe tocante corupcion cu tocante gobernashon sano riba e islanan. Laga nos ta honesto: di kiko hende tin miedu?”, e parlamentario ta finalisa bisando.

Articulo cortesia ‘www.dossierkoninkrijksrelaties.nl