- Delegacion di Moody's na Aruba pa evalua rating financiero
- Segun minister Wever, CAft ta duna conseho positivo riba presupuesto 2025
- Wever: Gasolin y Diesel lo baha di prijs 1 di mei
- Iberostar Beachfront Resorts a presenta su Shoco Boulevard
- Deportista Arubiana cu a keda paralisa despues di accidente na Merca, buscando fondo pa yuda cu gasto
MIA y UPP tin dos dia mas pa colecta 538 y 530 firma respectivamente
ORANJESTAD – E partidonan politico Movemento Indigena Arubano (MIA) y Union Patriotico Progresista (UPP) tin dos dia mas (awe dialuna te 8:30pm y diamars (mayan) di 9am te 8:30pm) pa colecta 538 y 530 firma respectivamente, pa asina nan tambe por participa oficialmente na e eleccion parlamentario di dia 6 di December 2024. Nada no ta imposibel, pero di e patronchi cu ambos partido a experencia desde siman pasa dialuna, e ta mustra hopi improbable, cu nan logra esaki. Si esey ta e caso, e ora un total di 11 partido lo participa oficialmente na e proximo eleccion.
UPP
Partido Union Patriotico Progresista (UPP) ta un partido existente cu conocido personalidad y comerciante Giovanni Trim a tuma di ex minister Booshi Wever e aña aki, como e no a keda cla cu pa participa cu su propio partido (NOS), debi cu tabatin caida di gobierno. Segun Trim, a haci e caida strategicamente net despues cu e fecha pa inscribi partidonan politico a vence. Asina mes e la entrega lista di 4 persona (incluyendo su mes), y ta profilando su mes poco poco.
MIA
Partido Movemento Indigena Arubano (MIA), cu lider Helena Croes, tambe tin dificultad pa colecta firma. E partido su lider sra Helena Croes a declara un biaha mas dialuna mainta pa Noticiacla cu "Nos a bisa cu esnan cu por subi lista mester tin e bloodline, kere den e causa, y no mester ta cobarde". Comentarionan cu a ricibi riba esaki ta cu E pensamento ta cu ta dificil pa distingui ken realmente ta local (bloodline), y ken no y cu esaki. Pero, mescos cu UPP, tin dos dia, y tur cos ta posibel. Esaki den sentido cu tin mas partido cu a logra firma, pero cu tabata manda pa partidonan otro, cu e pensamento cu por asina probecha di e situacion di rest-zetel. Un partido a sigura cu mayoria di su firmanan ta autentico, esta partido RED. Otro partidonan no a remarca esaki.
Delegacion di Moody's na Aruba pa evalua rating financiero
ORANJESTAD – Un delegacion di e agencia di ratings Mericano Moody's na Aruba pa evalua rating financiero di e isla. Agencianan di rating ta instancianan independiente cu ta analisa e capacidad di un pais (of empresa) pa paga su obligacionnan financiero. Nan ta evalua riesgo financiero, stabilidad economico y maneho fiscal.
Segun minister Wever, CAft ta duna conseho positivo riba presupuesto 2025
ORANJESTAD – Minister di Finansa Geoffrey Wever, diamars atardi a informa cu CAft a duna un conseho positivo riba e presupuesto 2025, aproba unanimamente pa Parlamento riba 28 di maart 2025. E conseho di CAft ta confirma e direccion financiero prudente di Gabinete AVP-Futuro y alabes efectivo pa yuda cu poder di compra na Aruba. Mester bisa si cu ainda CAFt mes no a publica e conseho riba su portal pa por verifica esaki.
Wever: Gasolin y Diesel lo baha di prijs 1 di mei
ORANJESTAD – Ministerio di Finansa y Asunto Economico, a traves di Departamento di Asunto Economico, ta anuncia e prijs di gasolin y diesel cu lo tuma efecto entrante 1 di mei 2025.
DIMP a contesta De Meza dialuna pero abogado no ta duna comentario mas
ORANJESTAD – Departamento di impuesto (DIMP) a cumpli cu e demanda di parlamentario Mike de Meza pa manda un carta positive p’e. Kico e contenido ta, no ta conoci pa noticiacla ya cu e abogado a opta awor pa no duna mas comentario. “Sorry, awe si ta no comments” e abogado Desiree Croes a reacciona pa Noticiacla dialuna atardi despues di cu e deadline a vence. Inicialmente a informa cu lo a bay entama un caso sumario awe diamars of mas tarda diaranson. Sinembargo, algun rato despues, cos a cambia, ora cu a bira conoci cu ‘toch’ un reaccion a drenta di parti di DIMP. Pero ora cu a puntra kico ta bay sosode awor, cu e contesta a drenta, e abogado a opta pa no duna mas comentario. Pues no ta sigur kico e contesta tabata.
Gabinete AVP-FUTURO a pidi Szabó reconsidera decision pa aumenta tasa di interes
ORANJESTAD – Gabinete AVP-FUTURO a pidi secretario di estado hulandes Szabó pa reconsidera su decision pa aumenta e tasa di interes pa e pago di debe di Covid. Specificamente ta sugeri pa aplasa e tempo cu 6 siman, den cual partidonan lo mester keda cla pa entrega e concepto di e rijkswet nobo pa supervision financiero.
Raportahe fotografico di e bishita di Eerste y Tweede Kamer na Conseho di Minister di Aruba
ORANJESTAD – Manera cu Noticiacla a raporta anteriormente caba, awe mainta e delegacion di tanto Eerste como Tweede Kamer di Hulanda a bishita Conseho di Minister. Esaki ta mas di raportahe grafico di e bishita.
Follow NoticiaCla
