A logra captura e cocodrilo na Boneiru, pero awor ta buscando kico pa haci cune

KRALENDIJK - Un captura sorprendente djasabra marduga na Boneiru: Empleadonan di Stinapa a logra gara e krokodel despues ku a mira e animal repetidamente den e área di mangel banda di Sorobon for di komienso di òktober. E animal a wòrdu mira pa promé biaha dia 8 di òktober i a wòrdu mira kuater biaha mas for di e tempu ei, kousando preokupashon i kuriosidat bou di residentenan i konservashonistanan.

Apesar di e kaptura, hopi kos no ta kla ainda. E krokodel no a wòrdu identifiká ainda djasabra anochi; Expertonan no sa ainda si ta trata di un crocodil Mericano of Orinoco. Ta parse ku e animal ta un poko mas grandi ku dos meter. E krokodel a wòrdu hibá na un lugá sekreto, probablemente un kaminda den e Parke Nashonal Washington Slagbaai, pa evitá ku e ta wòrdu matá pa personanan temeroso.

Buskando un lugá nobo pa keda

Kico futuro tin pa e animal ta insigur. Boneiru no tin un parke di bestia. Un regreso pa Venezuela, di unda e animal por a bin, no ta mustra factibel debi na e relacion actual cu e pais bisiña Venezuela. Un estadia di largu plaso na Boneiru tambe lo ta difísil pa motibu di e seguridat di e bestia i e gastunan haltu: fuentenan konfiabel ta papia di míles di dòler pa dia.

Un alternativa por ta un parke di bestia den e área. The Curaçao Zoo & Botanical Garden tin eksperensia ku krokodel i kaiman. Te ainda no ta conoci si a haya contacto caba tocante esaki. E posibilidad pa muda e crocodil pa Aruba ta parce imposibel, como cu no tin un refugio adecuado eynan. NOTA: Texto ta scirbi den Papiamento fonetico di Corsou.   Foto - Fittipaldi Pietersz