Construccion na Aruba plat diabierna tambe!

ORANJESTAD – Mayoria di proyectonan den construccion na Aruba mayan lo ta plat atrobe. Asina presidente di e sindicato di trahadonan arubano (STA), Diego de Cuba a confirma diahuebs anochi na NoticiaCla.com. Awe caba e trahadonan a pone trabou abou na e varios proyectonan den construccion, pa motibo di problema laboral. Ta trata di trahadonan den construccion cu ta forma parti di WAB (companianan afilia di construccion), manera companianan di Thiel Corporation, Albo, Wegenbouw y algun mas cu ta afiliando na STA, cu na tur ta entre 350 pa 400 trahado.

ACTITUD TERCO

Segun de Cuba, e actitud di hefenan di WAB ta uno terco y ta nenga di continua cu e CAO, y kier firma te dialuna 3’or. Algo cu obviamente e sindicato y su miembronan no ta acepta. Como tal awe caba a dicidi di pone trabou abou, paralisando e trabounan cu tin riba varios proyecto, manera aeropuerto, waf, barcadera, y hospital, djies pa menciona algun.