Partido CURPA a logra su 586 firma diabierna atardi

ORANJESTAD – Algo despues di 2’or di diabierna atardi, partido CURPA tambe a haya notificacion cu nan a yega e cantidad di firma rekeri di 586 firma, cu a sigura nan participacion na e eleccion di 6 di December 2024. Faltando 4 dia (incluyendo awe) pa partidonan politico colecta suficiente firma (586) pa sigura nan participacion den e proximo eleccion (December 2024), awor ta keda 3 partido cu ainda ta den e ‘careda’ aki. E partidonan cu falta ta HTC, MIA y UPP. 

Partido HTC tabata falta 25 firma, sigui pa MIA y UPP, cada un faltando 542 firma, E dosnan  ta mustra cu nan lo no logra, aunke cu falta 4 dia. Ambos ta bayendo hopi lento. Pero, tin 3 diay y mei y tur tin posibilidad pa logra esaki.