Aruba su di 3 miyonario mas nobo di Lotto a reclama su premio caba!

ORANJESTAD - Awe diahuebs, Aruba ta sera conoci cu e di 3 feliz miyonario di Aruba cu Lotto, e loteria di Aruba pa 2024. Manera Noticiacla a bisa anteriormente, e sistema a registra diaranson anochi cu 1 ticket a gana e premio. E feliz ganado a presenta na oficina di Lotto na Paardenbaaistraat 10  diahuebs merdia mes, acompaña pa asina cobra e premio miyonario aki. Notable ta cu ta e premio aki, ta esun cu mester a bay bek den e ‘tombola’ pasobra e ganador di esun na juli, no a reclama e premio dentro di e tempo stipula di 3 luna. 

Andrew a cumpra su number nan loco di Lotto 5 pa e sorteo miyonario di ayera nochi y door di e promocion di Lotto 5 el a haya tambe su numbernan loco gratis. Despues di sorteo, Andrew a bay check su ticket y pa su gran sorpresa a wak cu e tin e numbernan ganado di e suma miyonario di 2 miyon 350 mil florin cu el a gana cu e numbernan gratis cu el a ricibi di e promocion di Lotto 5!

E numbernan ganado cu a sali ayera nochi ta: 03-26-32-33-34 Joker: 09 Letter: H y manera e resultado a wordo procesa a bin haya sa cu tin 1 solo ticket ganado cu a gana e jackpot miyonario Lotto 5 cu tabata na 2 miyon 350 mil florin y a wordo bendi na Rockies Lottery situa na Paradera. Ademas di e prome premio tambe tabata tin 1 feliz ganado di e segundo premio di Lotto 5 cu a gana e suma di Afl. 37.967 cu tambe a wordo bendi na Rockies Lottery.