Segun encuesta politico #2 di Noticiacla, demografia pa algun partido politico a cambia

ORANJESTAD – Despues cu noticiacla a publica e prome parti di e resultado di e di dos encuesta politico pa e eleccion di 2024, tin tambe e parti interesante di demografia, unda cu por wak cua partido ta fuerte den cua districto, y den ki grupo di edad e partido ta fuerte. Mester remarca cu tabatin varios cambio e biaha aki, pa loke ta e popularidad den partidonan politico. 

DEMOGRAFICO DI PARTIDO 

Tambe loke ta interesante ta e parti demografico di esnan cu a participa den e encuesta. Sigur pa loke ta e partidonan nobo. E partidonan ‘tradicional y ya existente’, e informacion no ta mucho nobo. P.e. MEP ta sigui mas popular den Sta Cruz segun e encuesta (222 compara cu 215 di e votonan biaha pasa osea 12%) y menos den San Nicolas (77 e biaha aki contra 74 biaha pasa osea 4.0% vs 4.1%). Partido FUTURO cu ta nobo, ta sigui mas fuerte den Paradera (61 e biaha aki compara cu 46 voto biaha pasa osea 3%), y menos den Savaneta (aunke e biaha aki a aumenta te na 25 voto compara cu 9 voto osea 1.3%). Partido AVP ta sigui mas popular den Oranjestad (a aumenta na 45 voto compara cu 41 voto biaha pasa cu ta osea 2.4%) y menos den Savaneta y San Nicolas (osea 1%). ACCION21 ta mas popular den Oranjestad (aunke a baha di 25 votopa 15 voto  osea 1.0%) y menos den Savaneta (2 voto osea 0,1%). LPR tabata grandi den Noord (22 voto biaha pasa pero awor 19 voto osea 0.6%) y menos den Savaneta (4 voto osea 0.2% cu a keda mescos) pero a cambia e biaha aki den Noord. RAIZ tabata grandi den Oranjestad pero a baha (22 voto versus 7 e biaha akiosea 0.4%) y menos den Savaneta (5 voto osea 1%). Partido MAS ta grandi den Noord (11 voto osea 1%) y menos den Sta Cruz (4 voto biaha pasa vs 1 voto e biaha aki osea 0.1%), y PPA tabata grandi den Playabiaha pasa y a cay (12 vs 6 voto awor voto osea 0.3%) y pero a crece den Savaneta (3 voto prome vs 7 awor osea 0.4%.   

PARTIDONAN SEGUN EDAD

Tambe den e parti di edad, ta interesante pa e partidonan ‘nobo’ sa cua edad ta identifica miho cu nan. Aki e biaha aki no tabatin diferencia. Tin p.e. MEP cu ta identifica miho cu e grupo di 55-64 aña, FUTURO mas cu e edad di 35-44 aña, AVP, PPA y MAS ta registra bon cu e edad 65 aña- y mas, y ACCION21 y RAIZ ambos ta registra bon den e edad 35-44 aña. Partido LPR ta registra miho entre e grupo di 45-54 aña di edad. 

E TEMANAN 

Den e siguiente raportahe, lo dedica mas tempo pa e parti di temanan cu e encuesta a toca, cu a haya atencion di parti di e participantenan, y cu nan kier pa partidonan politico profundisa nan mes ariba. E breakdown lo ta pa partido y edad, pa wak cua votadornan di cua partido y edad ta scohe cua tema.