PPA ta e di dos partido cu ta logra 586 firma pa participa na e eleccion 2024

ORANJESTAD – Partido politico PPA a bira e di dos pa logra e cantidad di firma rekeri pa sigura nan participacion tambe como partido nobo na e siguiente eleccion parlamentario di dia 6 di December 2024. Algo despues di 6’or, e partido a logra acumula su 586 firma rekeri. Ta keda e ora 6 partido cu tin cu logra acumula esaki. Te cu 3’or partido PPA tabata lidera e ‘careda’ cu 361 firma, compara cu 343 di partido FUTURO. Pero na caminda, cos a cambia parce y FUTURO a logra su meta prome, sigui awor pa PPA den e prome dia. Ta keda pendiente pa haya sa e situacion actual di e otro partidonan cu nan coleccion di firma.