Tropical Bottling Company ta lansa Fuse Tea Peach

ORANJESTAD - E siman aki e team di mercadeo di Tropical Bottling Company ta subi caya y lo ta den supermercadonan rond Aruba pa ofrece comunidad e sabor nobo di Fuse Tea. Traha y emboteya na nos planta nacional na Balashi, Fuse Tea Peach ta e ruman di e gusta y super popular Fuse Tea Lemon. Fuse Tea Peach ta un iced tea super refrescante cu un “infusion” di e fruta peach, cu un sabor suave cu ta un bon escogencia pa cualkier momento di dia y na cualkier ocasion. Willeke Kok, coordinador di mercadeo na Tropical Bottling Company, ta invita comunidad henter pa purba Fuse Tea Peach, cu ta e producto mas nobo cu ta wordo traha na Aruba mes. El a splica cu e forma mas facil pa reconoce e productonan traha na Tropical Bottling Company, ta na e label cu tin riba tur boter y bleki, cu e palabranan “Taste Enjoy Life The Caribbean”. Purba Fuse Tea Peach na bo supermercado faborito of riba caya. Puntra p’e y disfrut’e.