Warda Costa a tene un ‘dia di nabegacion’ pa un grupo VIP na Aruba diasabra riba Zr. Ms. Holland

ORANJESTAD – Diasabra ultimo un grupo di VIP selecta di Aruba pa Warda Costa Di Reino Hulandes   riba e barco di marina Hulandes Zr. Ms. Holland, pa un asina yama ‘dia di nabegacion’, osea un vaardag. E intencion tabata pa e grupo selecta conoce di cerca, e operacion di e trabou di Guarda Costa di Reino Hulandes y e cooperacion estrecho cu marina Hulandes. Comandante di Guarda Costa Walter Hansen a yama tur hende bon bini, y despues durante 6 ora, tabata anfitrion di e grupo aki. 

DEMONSTRACION

Loke a hala atencion tabata e demonstracionan di e trabou cu tanto Warda Costa den cooperacion cu Marina Hulandes ta efectua e.o. riba laman. Completo cu helicopter, a haci un show di un detencion simula riba laman, incluso demostracion di  tiramento cu armanan sofistica den laman. Esnan presente a keda deleita cu un show completo. Na final, te hasta un di e avionan di Warda Costa, a haci un ‘fly-by’, esta bula hopi abou mes y pasa algun biaha hopi cerca di e barco Hulandes. 

ALMUERZO Y NETWERKING

Notable tabata e posibilidad y disponibilidad di e personal di tanto Warda Costa como Marina, pa interacta cu esnan presente, na cada momento, incluyendo durante e almuerzo Indones. Tabata un oportunidad perfecto pa contactonan keda concretisa, entre departamentonan presente, amistadnan nobo y relacionan cu por funciona pa un duracion largo comercial y amical. Un grupo di prensa selecta local a keda invita y a documenta e evento corespondiente.