Presidente di Surnam Santokhi y prome dama a yega Aruba

ORANJESTAD - Presidente Chan Santokhi y prome dama Mellisa Santokhi a yega Aruba dialuna mainta pa un bishita oficial, cu e meta pa sigui fortalece e relacionnan bilateral entre Surinam y e isla . Compaña pa Minister Albert Ramdin di Asuntunan Exterior, Negoshi Internacional i Koperashon Internacional (BIBIS), e enfoke ta riba ampliashon di lasonan economiko y diplomatico. Tempran awe mainta por a mira e caravana di e mandatario, acompaña pa Gobernador di Aruba SE Alfonso Boekhoudt. 

Durante e bishita, Presidente Santokhi lo tene combersacionnan cu e hefe  di gobierno di Aruba  , cu enfasis riba cooperacion den e areanan di comercio, inversionnan y desaroyo sostenibel. Tambe ta planea reunionnan cu e comunidad di Surinam y companianan local riba e islanan. E delegacion a yega Aruba awe.

INDUSTRIA DI PETROLEO Y GAS

Un enfoke importante durante e bishita ta e creciente industria di petroleo y gas di Surnam. Gobièrno di Surnam kier enbolbí companianan local riba e isla  den oportunidadnan di invershon denter di e sector aki cu ta cresiendo lihé. Minister Ramdin a papia cu speransa riba e futuro cooperacion: “Esaki ta un oportunidad pa companianan na Aruba inverti na Surnam y beneficia di e crecemento den nos industria di petroleo y gas.”

Ademas di cooperacion economico, tambe lo trata topiconan manera cuido di salud y educacion. E diaspora Surinam riba Aruba   tambe lo haya atencion special, pasobra e grupo aki ta hunga un rol importante den e dinamica social y economico entre e paisnan.

Durante e bishita lo firma diferente Memoranda di Entendimento (MoU)  na Aruba. Esakinan ta un paso importante pa sigui fortalese e cooperacion riba areanan manera comersio, energia, cuido di salud y educacion.