Venezuela ta sigui exporta productonan di pesca pa Aruba

CARACAS - Recientemente, Ministerio di Poder Popular di Pesca y Aquacultura (Minpesca) a informa cu Venezuela ta sigui exporta productonan di pesca pa Aruba.

Pa medio di un comunikado di prensa, e entidad a informa cu den e último cargamento cu a sali for di e hafnan di e estado di Falcón pa e isla hulandes tabatin mas cu 1.5 ton di producto di pesca, entre cua algun espesie manera snapper y bocachico ta destaca .

Den e sentido aki, Minpesca a destaca cu e exportacion di e productonan aki “no solamente ta representa un oportunidad comersial, pero tambe un testimonio di e trabou duro i dedicacion di e sector di pesca i acuacultura, cu ta boga pa garantisá cu e productonan ta yega den condishonnan optimal na otro fronteranan.

Den e sentido aki, e documento a destaca cu e exportacion di e productonan di pesca aki “ta forma parti di e compromiso di Gobierno Nacional y regional pa satisface e demanda internacional” y, na su turno, ta un manera pa “consolida e posicion di Venezuela den e mercado y fortifica su reputashon” den e área aki.

Ta bon pa recorda cu, segun e propio Presidente di Republica, Nicolás Maduro, durante e prome cuater lunanan di aña, Venezuela a raporta un crecemento di 2% den exportacion for di e sector di pesca, cual ta debi en parti na e hecho cu, awe, e nashon ta manda ehemplarnan di 31 espesie marino pa 24 pais rond mundo.