Partido AVP a bolter su lista ultimo ora y haci Wendrick Cicilia e lider nobo

ORANJESTAD – Loke a bira e sorpresa di dia, diabierna ta ora cu na momento di entrega di lista di partido di AVP, a resulta cu a bin un cambio drastico ora cu a dicidi di hala Mike Eman un banda como lider riba partido y a postula Wendrick Cicilia como e lider nobo di partido pa e eleccion aki, den un forma di transision. Mientrastanto Mike Eman a bay posicion 29, pa asina carga e lista.  Cu esaki a bin un cambio drastico pues. E problemanan a cuminsa for di un dia prome, ora cu den ora di anochi na Cas di Partido AVP, e presentacion di lista no por a keda cla debi na discusionan serio riba e numeracion di lista. Ora cu inicialmente a priminti Cicilia e # 2, a resulta cu a bin problema di parti di esnan cu tabata ocupa e posicionan dilanti y no tabata dispuesto pa entrega e number 2 pa Cicilia. Esaki a crea un problema serio interno cu a pone cu tabata te casi 1'or di diabierna marduga, cu a sali afo, ora cu finalmente toch Cicilia a acepta su number 6. Pero toch tabatin problema cu a sigui debi cu su achterban no kier a acepta. Tin infornacion cu te den oranan di marduga, a reuni. Finalmente durante dia tabata specula hopi. Y tabata te na momento di entregamento di lista, cu a bin haya e sorpresa aki, cu un lista 'renumera' cu Cicilia na cabez. Eman a splica cu ta un accion di Cicilia ora cu e la concedi, cu Eman a dicidi cu Cicilia ta cla pa tuma mando di e partido y a entrega su puesto. Curioso ta cu AVP tabata usa como un di su lemanan, 'bolter cos', esta pa cambia e panorama politico completamente. A resulta cu den nan propio partido, nan a haya nan ta bolter cos. Tempo lo bisa si e cambio aki lo ta na fabor di e partido. 

1 Wendrick Cicilia  

2. Mike de Meza

3. Arthur Dowers

4. Stephany Sevinger

5. Mervin Wyatt Ras

6 Jennifer Arends-Reyes

7. Clifford Heyliger 

8. Sonali Fernandez Acosta

9. Carlos Bermudez 

10. Marlon Sneek 

11. Otami Thomasia 

12. John Hart 

13. Dennerich Kelly 

14. Jamilah de Mey 

15. Junior Croes 

16. Chris James 

17. Conny Connor 

18. Maria van der Biezen 

19. Jillianne Lopez 

20. Diana Bikker 

21. Clyde Burke

22. Jennifer Franken 

23. Madeleine Kelly 

24. Adeline Oliviera

25. Astrid Vries 

26. Ferdinand Franca

27. Norman Roos

28. Zuleika Wever

29 Mike Eman