- Tierra del Sol Golf Course a habri atrobe despues di 13 luna di renovacion
- Ministernan ta evalua si ta intensifica combatimento di droga den region
- MEP: Placa cu Hulanda ta duna pa energia, no ta nobo sino compromiso haci di 2023
- Corsou tambe ta ricibi 125 miyon florin di Hulanda pa drecha su red di corriente
- Si seleccion di Hulanda gana Polonia diabierna, e ta clasifica pa mundial
Supervision financiero extendi pa Corsou y Sint Maarten
DEN HAAG - Ta ekstendé e supervishon finansiero pa Kòrsou i Sint Maarten, manera reglá den e Rijkswet financieel toezicht Curaçao en Sint Maarten (Rft, Lei di Reino supervishon finansiero Kòrsou i Sint Maarten). Dia 4 di òktober, Konseho di Minister di Reino a disidí esaki a base di e konseho di e komishon di evaluashon Rft 2024 pa e periodo 2021-2023. Awe, Sekretario di Estado Szabó ta manda un karta i e informe di e Komishon di evaluashon pa Eerste i Tweede Kamer.
Den su informe e komishon di evaluashon, ku ta konsistí di ekspertonan independiente di Kòrsou, Sint Maarten i Hulanda, ta konkluí ku ainda e dos paisnan no ta kumpli strukturalmente ku e normanan presupuestario for di e Rft. E komishon ta trese dilanti ku e pandemia di Covid tabatin un kontribushon signifikante den esaki. No opstante rekuperashon di e ekonomia despues di e pandemia di Covid, e komishon ta konsiderá ku terminashon di e supervishon na e momentu aki no ta posibel. Pues, e supervishon ta sigui na vigor. Un siguiente evaluashon lo tuma lugá pa mas tardá na aña 2027.
E komishon ta hasi tres rekomendashon importante: desaroyá un kuadro di evaluashon, hasi mihó uso di e posibilidatnan legal den e Rft, i garantisá institutonan independiente. Asina, e komishon di evaluashon ta bisa ku e Kolegio supervishon finansiero (Cft) i e paisnan konhuntamente mester desaroyá un kuadro ku kua por establesé ophetivamente si ta kumpli ku e normanan presupuestario. Ademas, e komishon ta mustra riba e posibilidat di e paisnan pa, denter di e normanan di e Rft, por hasi invershonnan stratégiko. Finalmente, e komishon ta boga pa fortfikashon mas aleu di e base di e finansanan gubernamental dor di establesé institushonnan fuerte, independiente.
Sekretario di Estado Szabó: “e meta di e lei ta i lo sigui ta finansanan gubernamental duradero i bon maneho finansiero. Esaki ta un kondishon básiko esensial importante pa e abilidat di e paisnan pa nan por yuda nan mes. Gustosamente lo mi sigui traha konhuntamente ku e paisnan riba e trayekto importante aki.”
E paisnan Kòrsou i Sint Maarten a indiká ku nan ke tin perspektiva riba un futuro sin supervishon. Pa e motibu aki, Konseho di Minister di Reino a invitá e dos paisnan pa, konhuntamente ku Cft i ku Hulanda, sigui traha riba finansanan gubernamental duradero i bon maneho finansiero.
Konseho di Minister di Reino ta ehersé e supervishon, miéntras ku Cft tin un papel di señalá i konsehá. E Rft a drenta na vigor na aña 2010, i tabatin un durashon di sinku aña. Por ekstendé e supervishon, despues di evaluashon, kada biaha ku 3 aña. NOTA: Texto scirbi den Papiamento fonetico di Corsou
Si seleccion di Hulanda gana Polonia diabierna, e ta clasifica pa mundial
AMSTERDAM - E periodo internacional aki por keda desisivo pa Oranje: clasificacion pa e Campeonato Mundial di 2026 den Merca, Canada y Mexico. Un victoria diabierna contra Polonia den Warschau ta basta pa un ticket pa Copa Mundial.
Yiu di Corsou femenino a fayece despues di tragedia di tiro na Hulanda
ROTTERDAM – Un muhe di 24 aña di origen Corsou for di Oss a muri despues cu e la wordo tira den anochi di diasabra pa diamingo na Kralingseplein den Rotterdam. Asina polis ta informa. Un homber di 28 aña for di Nijmegen a wordo deteni. Un tercer sospechoso ta ainda fugitivo. Segun medio regional, e muhe tabata sinta den un Suzuki blanco ora cu poco prome di dos or di madruga a tira. Servicio di emergencia a reanima e muhe na luga mes y a hiba e den condicion critico na hospital, unda despues e la muri.
Heera Dijk (D66) ta logra mas di 6 mil voto pa eleccion Tweede Kamer na Hulanda
DEN HAAG – E candidato politico hulandes cu lazo Antiano, Heera Dijkstra a logra un total di 6.352 voto riba su nomber. “Ki number! Esaki ta realmente fantastico” Heera ta bisa riba su pagina personal di Facebook. Di e suma menciona, 1014 ta di su ciudad natal Delft. “ Mi yamada tabata: “Delft, laga mi tende di bosnan!” Y bosnan a tende, y di manera grandi tambe. Masha danki pa bo voto y danki di curazon pa tur e mensahenan dushi. Nan a toca mi, nan ta dunami forsa y energia” Heera a sigui bisa. E ta conciente cu tanto voto pa nan partido D66 ta yega un gran responsabilidad.
Kiesraad di Hulanda a confirma diabierna: Partido D66 ta e mas grandi cu 29.668 voto mas cu PVV
DEN HAAG - D66 a gana e eleccion pa Tweede Kamer na Hulanda cu 29.668 voto mas cu PVV. E Kiesraad a anuncia esaki durante un sesion publico den Tweede Kamer. E diferencia final entre e number 1 y number 2 ta mas di mil voto mas grandi cu e cantidad cu e servicio electoral di ANP tabata spera. Esey no tin efecto riba e reparticion di zetel. Tur dos partido mas grandi ta ricibi 26 zetel. Despues ta sigui VVD cu 22 zetel, GroenLinks-PvdA cu 20 zetel y CDA cu 18 zetel. Cinco muher a keda eligi pa Tweede Kamer manera tabata spera, cu voto di preferencia.
Ajax a despedi entrenador su John Heitinga despues di mal cuminsamento di temporada
AMSTERDAM – E seleccion di futbol profesional hulandes Ajax a despedi John Heitinga y a pone dje na non-activo inmediatamente. E club ta busca un nobo entrenador principal despues di un mal cuminsamento di temporada. Tambe e contrato di e asistente entrenador Marcel Keizer a wordo termina. AJAX, banda di Feyenoord, ta un di e clubnan mas popular tambe na Aruba y ta hopi sigui.
Heera Dijk scohi como vocero nobo pa Relacionnan di Reino pa partido D66
DEN HAAG – E fraccion nobo di D66 a eligi Heera Dijk como vocero pa Relacionnan di Reino. “Un regalo di cumpleaños”, paso awe e ta celebra su 46 aña di edad. Noticiacla recientemente a entrevista Dijk den e edicion special di Noticiacla LIVE.
Follow NoticiaCla
