Partido RAIZ a presenta lista di 11 candidato pa eleccion 2024

ORANJESTAD – Un dia prome cu e entrega oficial di lista, e partido cu tabata partner di coalicion Wever-Croes II, RAIZ a presenta su lista oficial diahuebs anochi algo prome cu 8’or di anochi, riba cual tabatin 11 candidato cual e tin pensa di bay eleccion cu ne. E partido a presenta su lista sin un di e integrantenan cu pa tres aña a fungi como un di e ministernan pa e partido, esta Geoffrey Wever cu, manera ta conoci, a  a retira di e partido un siman prome cu entrega di lista y subi e partido nobo FUTURO. E biaha aki tabatin 1 candidato menos cu na eleccion 2021 unda cu tabatin 12. Un total di 4 candidato di biaha pasa a keda riba e lista cu ta pone cu mester a busca 8 candidato nobo pa e lista e biaha aki.  

CANDIDATANAN CU A HALA ATENCION

Entre e candidatnan cu a hala atencion tabata Kinsasha vd Bliek, cu tabata riba partido RED eleccion anterior y cu te na ultimo, a haya problema cu RED y a bula afo. Tambe Anouk Balentina cu ta conocido activista. Un otro persona conoci ta Twyama van der Biezen, cu tabata forma parti di e oficina di actual minister Ursell Arends. Candidatonan cu a bolbe ta tambe Raymond Kamperveen y Carlos Guiamo. Candidatonan nobo tabata Aaron Verschuur, Luigi Rasmijn, Marisabel Croes- Arends, y Randall Leon. 

E LISTA DI RAIZ

Ursell Arends

Misha Raymond

Raymond Kamperveen

Carlos Guiamo 

Twyma vd Biezen

Aaron Verschuur (docter)

Luigi Rasmijn (empresario)

Marisabel Croes-Arends 

Anouk Balentina

Kinshasa vd Bliek

Randall Leon