- Iberostar Beachfront Resorts a presenta su Shoco Boulevard
- Deportista Arubiana cu a keda paralisa despues di accidente na Merca, buscando fondo pa yuda cu gasto
- Director di SETAR, Roland Croes ta invitado di Noticiacla LIVE awe nochi
- Liberalnan Canades ta gana eleccion, danki na Trump
- Pleito interno den OM di Aruba, posibel motibo cu caso Holloway no a keda soluciona
Detayenan ta conoci despues di morto di ex miembro di popular grupo One Direction Liam Payne
BUENOS AIRES - E ex cantante di e agrupacion popular di hoben, One Direction Liam Payne a wordo haya morto den su hotel den e capital di Argentina Buenos Aires. Polis awor a confirma e morto y su curpa a wordo hiba na un mortuario pa trahadonan di emergencia.
“Liam James Payne, cantante-compositor y guitarista, ex miembro di e grupo One Direction, a fayece awe despues di a cai for di e di tres piso di un hotel na Palermo,” polis a bisa den un comunikado di prensa. Palermo ta un distrito den e capital di Argentina.
E hefe di e servicio di emergencia, Alberto Crescenti, a bisa na television local cu e musico a sufri lesionnan grave despues di su caida y cu solamente su morto por wordo confirma. “No tabatin ningun posibilidad mas di reanimacion.” Ta ser bisa cu Payne a cay di un haltura di 13 pa 14 meter.
Fanaticonan tristo a reuni na e hotel na Buenos Aires caminda e cantante a fayece. Imagennan ta mustra con fanaticonan ta brasa otro yorando i ta sende bela na e hotèl den e distrito di Palermo.
Payne, hunto cu Harry Styles, Niall Horan, Zayn Malik y Louis Tomlinson, tabata miembro di One Direction, e boy band cu a forma na 2010 y a gosa di un exito enorme. E anuncio cu e grupo lo ta tumando un break na 2016 a shock miyones di fanatico. Oficialmente e grupo nunca no a kibra. Payne a asistí na un consierto di su compañero di banda anterior Niall Horan na Buenos Aires dia 2 di òktober.
Djarason, djis prome cu su morto, el a publica riba Snapchat tocante su estadia na Argentina, segun e agencia di noticia Reuters. El a papia tokante core kabai, hunga polo y ancioso pa bai kas bèk i mira su cacho. “E ta un dia bunita aki na Argentina,” el a bisa den e video.
Corte Superior a rechasa deseonan di abogadonan den caso di ex politico Howell ( Diamante)
ORANJESTAD - Corte Superior di Husticia a rechasa awe tur peticion di abogadonan di e sospechoso ex politico Alan Howell pa mas investigacion den e caso penal conoci como ‘Diamante’. Durante e tratamento den apelacion di 25 di maart ultimo, abogadonan di e sospechoso a pidi pa scucha varios testigo y pa agrega documentonan adicional na e dossier di e caso. Corte Superior di Husticia a rechasa e peticionnan di e abogadonan debi na insuficiente hustificacion y insuficiente necesidad. Anteriormente Ministerio Publico a tuma e mes postura aki.
OM: Lo persigui e dos agentenan policial cu a tira hoben Lanoy mata
ORANJESTAD - Ministerio Publico diabierna atardi a informa cu a dicidi pa persigui e dos agentenan policial envolvi den e caso di tiramento di e hoben Lannoy cu a fayece a consencuencia di e tiramento. E dos agentenan policial lo wordo cita pa responsabilisa nan mes dilanti hues. Nan lo wordo acusa primariamente di ta complice di homicidio.
Presidente di Corte a lamenta cu formadornan no a scucha Corte durante session cu stakeholders
ORANJESTAD – Durante e session di combersacion di e dos ex formadornan Eman y Croes cu stakeholdernan recientemente, un stakeholder cu no a wordo invita, ta Corte di Husticia. Algo cu e presidente di Corte Comun mr Mauritz de Kort a informa diabierna durante e instalacion di e vice presidente di Corte Comun, mr Jane Jansen. Durante su discurso, e no a omete e ‘fayo’ aki tampoco y a dedica atencion na e omission importante aki.
OM: Pais Aruba no ta brinda suficiente recurso financiero na Ministerio Publico
ORANJESTAD - Ministerio Públiko no ta wòrdu guiá pa preferensia polítiko, fiscal Barbara van Unnik a sigura esnan presente diabierna durante su discurso na ocacion di e instalacion di e vice presidente di Corte Comun Jane Jansen. “Òf desaprobashon. Ministerio Publico ta wordo guia door di e texto di e ley”.
De Kort: Corte di husticia tambe ta afecta pa situacion di stress
ORANJESTAD – Durante instalacion di e vice presidente di Corte, Jane Jansen diabirna ultimo, presidente di Corte, mr Mauritsz de Kort a admi cu Corte di husticia ta sufriendo di stress di trabo. “ Nos tambe ta eksperensiá e strès hudisial aki denter di Korte. Esaki por ta debí na e naturalesa di e trabou òf e intensidat di un asuntu. E por redusí e kantidat di trabou tambe, pa motibu di e kantidat di kosnan riba nos sèn. Òf pa motibu di e dinámika kambiante den sosiedat. Nos Corte a bin ta traha den e mesun cuadronan financiero y organisatorio, mientras cu e trabounan den e añanan ey a aumenta significativamente” de Kort a bisa durante su discurso. Segun de Kort, nan trabou ta birando mas kompleho i siudadanonan ta birando mas franko. Esaki ta kondusí na un situashon kaminda en realidat nos ta ‘komiendo nos mes’. Demasiado trabou, muchu preshon i muchu tiki tempu i rekurso. Ku esaki nos ta hasi nos hendenan tin bia ta kai kòrtiku, nos ta kima nos mes afó.
Corte: Gobierno no por aplica ley di LNT pa directornan di Horacio Oduber Hospital
ORANJESTAD – Den un sentencia cu por tin basta embergadura pa mas instancia local, Corte diaranson a hala atencion di gobierno di Aruba un banda, y pone e ley Landsverordening Normering Topinkomens un banda pa e dos directornan di hospital Horacio Oduber. Esaki ta e ley cu ta regula cuanto maximo un persona cu ta gana un salario di e.o. director di un compania, por gana maximo. Y a usa e filosofia cu e no por gana mas cu 150% cu salario di prome minister di Aruba. Den e sentencia aki, e ‘flie’ no a subi y huez a ‘pone e ley un banda’ y cu e ley tin ‘consecuencia cu ta bay mucho leu’.
Follow NoticiaCla
