Bon bini bek na nos editorial. Mi nomber ta Dasha y mi ta un boticario na Botica di Servicio!

(ADVERTORIAL)

Cancer di pecho ta un di e cancer mas comun cu ta afecta hende muhe na ful mundo, pero deteccion trempan por mehora e resultado significativamente. Loke ta mas importante pa un tratamento efectivo ta identifica e malesa den su fase mas trempan, hopi biaha prome cu e sintomanan presenta nan mes.

Control regular, manera mamogramas, ta un instrumento vital den e esfuerzo aki. Akinan na Aruba esaki ta wordo organiza door di Stichting BOB Aruba, caminda cu personan di edad 45 aña bai ariba ta haya un screening cada dos aña. Haciendo e screening aki por detecta tumornan cu ta demasiado chikito pa por sinti pa asina por haci tratamento na tempo.

Apart di mamogramas, examen di pecho propio tambe ta hopi importante. Ta esencial pa familiariza cu e forma normal di con e pecho ta sinti y ta mustra. Esaki por yuda identifica cambionan cu ta merece un bishita na doctor. Señalnan manera bultos cu no tabata tey prome, cambio den tamaño, of cambio den e textura di cuero nunca mester wordo ignora!

Educacion tocante cancer di pecho—tambe e importancia di historia familiar—ta duna poder na tur hende pa tuma decision informa tocante nan salud. Akinan na Aruba tin diferente instancia nan cu ta percura pa duna e informacion aki na henter pueblo, manera Stichting BOB Aruba y tambe Mary Joan Foundation Aruba pa asina por ofrece asistencia den naviga e malesa aki.

E lucha contra cancer di pecho ta un esfuerzo colectivo. Door di prioriza deteccion trempan, nos por salba bida y reduci e impacto emocional riba no solamente e pasetn mes pero tambe su famia. Semper corda, knowledge is power—tuma control di bo salud y anima e personanan den bo bida pa tuma accion den nan salud tambe! Deteccion trempan por haci tur e diferencia!

P.s. october ta e luna di cambio di botica! Por haci e cambio di botica via nos website www.boticadiservicio.com, via e AZV app y tambe por pasa serca nos na botica. Como miembro nobo, bo lo ricibi un gift certificate na balor di AWG 30,- y miembro nobo y existente ta automaticamente den e tombola pa gana un di nos premio grandi nan! Subi riba nos Facebook of Instagram @boticadiservicio pa lesa mas!