Universidadnan na Hulanda ta perdiendo miyones: Cortamento ta na caminda

AMSTERDAM - Dies di e diescuater universidadnan hulandes no ta den bon forma financiero, segun investigacion di e compania di acountant Ernest & Young. Na 2023, e universidadnan a haci un perdida total di mas cu 100 miyon euro.

Aña pasa, e universidadnan a termina e aña cu un debe combina di 105 miyon euro, e agencia ta calcula. Esei lo mas cu dobel e aña aki, EY ta anticipa. E investigacion ta mustra tambe cu e cortamento di presupuesto propone pa gobierno por causa cu universidadnan ta kai mas profundo den malestar financiero.

"E universidadnan tabatin basta opcion den tempo recien,” e investigado Ralph Poulssen di EY ta bisa. Esaki ta regarda por ehempel e gastonan di salario, cu a subi fuertemente debi na e contractonan colectivo laboral nobo. “Si entrada no subi, bo ta caba den cora.” E investigacion no ta spesifica cua universidadnan ta haciendo perdida.

CORTA BEK

E akuerdo di coalicion ta bisa cu gobierno kier baha e cantidad di studiantenan internacional. Como resultado, e universidadnan lo ricibi menos cen. “Esey ta nifica cu e cifranan cu nos ta mirando awor ta pio ainda,” Poulssen ta splica. “Ta p’esei e universidadnan mester tuma accion mas lihe posibel.”

Universidadnan awor ta scohe pa pasa cierto invershonnan. Esey por tin un impacto riba e presupuesto, segun e investigador di EY. “Un invershon, manera sostenibilidad of digitalisacion, tambe por spaar gastunan.”