Homber cu a tira curpa di edificio na Palm Beach, identifica

ORANJESTAD -  E homber cu a tira su curpa for di 7 piso di e edificio di Acqua Condominium diamars anochi, a keda identifica como Jean Pierre Hoyos Holguin (22) . Tambe vocero di polis Lito Lacle a confirma cu e persona aki a tira su curpa intencionalmente, pues ta trata di un caso di suicidio. Y contrario na informacionan incial, e la tira su curpa for e di 7 piso, y no di 10 piso. E edificio unda cu e homber a tira su curpa mester bira e 'North Acqua Esmeralda Tower, di 14 piso, y ta den construccion for di 2013.

E CASO MES

E caso a keda raporta diamars anochi den careda di 7'or. Mesora polis y ambulance a bay na e sitio y a nota cu e persona no ta dunando señal di bida. Mesora e polis na  e sitio a pidi pa autoridadnan competente. Polis tabatin full e edificio cera, pa asina e departmento technico di polis por cuminsa cu e investigacion. Identidad di e victima no tabata conoci ainda, sino te su manece merdia. Investigacion pues a determina cu enberdad ta trata di un caso di suicidio. Slachtofferhulp tambe a wordo pidi pa bay na e sitio pa si acaso familiaresnan por yega of ta na e sitio