A manda avion di guardacosta pa check ‘awa’ saliendo for di plataforma dilanti Aruba

ORANJESTAD – Aunke cu den fin di siman, minister encarga cu medio ambiente Ursell Arends a sigura cu e loke ta saliendo for di un plataforma dilanti Aruba, no ta nada dañino pa naturalesa, despues a cambia di pensamento y a laga “DSA pidi un rapport detaya di e capitan y a despacha un avion di guarda costa pa sigura cu no ta trata di polucion”. E mandatario a mustra inicialmente cu despues cu den fin di siman, algun ciudadano preocupa a bati alarma pa un plataforma di perforacion marino cu tabata parce di loos algun substancia scur den nos awanan.

VESSEL BALDER 

Ta asina cu Vessel Balder, e plataforma concerni, ta den nos awanan nan pa mantecion. A bira conoci cu e loke tabata ‘parce’ di ta polucion saliendo for di e plataforma tabata e awa cu ta loos ta awa pa fria (cooling water). “Havenmeester y DSA ta monitoria di cerca”. Pero despues a actualisa e situacion unda cu a informa cu  “DSA a pidi un rapport detaya di e capitan y tambe a despacha un avion di coastguard pa sigura cu no ta trata di polucion”.