• Front Page
• Politica
• Local
  • Social
  • Polis
  • Corte
  • Economia
• Internacional
  • Corsow
  • Region
  • Hulanda
• Deporte
• English
• Opinion
• Live

• Front Page
• Politica
• Local
  • Social
  • Polis
  • Corte
  • Economia
• Internacional
  • Corsow
  • Region
  • Hulanda
• Deporte
• English
• Opinion
• Live

Confirma: No tin container di klapchi for di China pa Aruba e aña aki!

ORANJESTAD – Ta confirma aworaki cu e aña aki Aruba lo no ricibi container di klapchi for di China.. Esaki kier men cu e cantidad solicita di entre 16 pa 18 container, no ta bin Aruba mas tampoco. A compronde cu e importadornan awor lo ta buscando alternativa di busca klapchi otro klapchi den nos region aki banda mes. 

NO TIN PAGARA

Por compronde e ora tambe cu mirando cu ta for di den e region aki mes tin cu trece klapchi, esaki ta practicamente sigura cu no ta bay tin pagara mirando cu contrario na cu si a bin klapchi for di China, e region aki no ta traha y permiti pa exporta pagara manera cu nos ta conoce, esta di cantidadnan di mei miyon, un miyon of te hasta menos. E pagaranan cu ta permiti, ta cosnan hopi chikito, pues por lubida cu e aña aki tin gran tiramento di pagara. 

CONTAINER CU TIN NA WELA

Ora cu a puntra Ponson, cu si tin suficiente klapchi y of pagara den e containernan cu a keda, Ponson a bisa cu tin entre 3 pa 4 container di klapchi, pero cu no ta trata di pagara sino mas bien otro cosnan di ‘haci bunita’, pero no pagara. 

ESCASES DI KLAPCHI

Tabata comienso di e siman aki cu noticiacla den forma di ‘primicia’ a raporta riba e echo cu e chens ta grandi cu e aña aki, sea no ta bay tin pagara pa tira pa fin di aña, pero sigur ta cu e cantidad, si tin, ta bay ta hopi limita mes. A cita e experto di explosivos pa DOW, Rubin Ponson. Segun Ponson, diamars   e importadornan lo mester a dicidi kico ta haci, y con ta para cu e cargamento y si tin cargamento mes. Si tin, lo ta uno hopi limita. Y tin e motibo pa esaki. Y awor ta conoci cu e decision ta cu no tin container for di China. 

REGLANAN 

Segun Ponson a splica den e raportahe inicial, e problema principal ta cu e liña di barco cu normalmente ta trece e klapchi pa Aruba, a pone un paro general pa transporta producto explosivo debi na un explosion no relata na klapchi, a sosode riba un di e barconan. E paro aki a pone cu na China, pa saca klapchi pa otro destinacion, tin yen di rekisito pa cumpli cune, cu ta haci dificil pa trece nan Aruba. China ta traha klapchi a base di e regla di e pais, pero mirando cu mester cambia e wafnan di transito, nan no ta permiti pa transporta cierto tipo di klapchi, cu ta conoci na Aruba, sin un keuring, cu ta tarda basta largo. 

DIAMARS 

Diamars ultimo, comercio na China a reanuda nan operacion despues di dianan di fiesta, pa dicidi kico nan ta haci, pa na nan turno, informa e importadornan di Aruba, cu tin cu e ora tuma un decision kico nan ta haci finalmente. Aki na Aruba lo mester a dicidi si ta alcansabel e ora pa manda container cu klapchi, y si esaki ta positivo, lo tin un chens chikito cu ainda e cargamento por yega Aruba prome cu fin di December. Tabatin risico cu ne, cu no ta on schedule, pa fayo di barco, pa tempo cu nan topa na caminda.

TIN KLAPCHI PERO NO PAGARA

Segun Ponson a bisa tambe cu lo tin klapchi, pero hopi menos cu añanan anterior. A compronde cu a busca for di otro caminda, envez di China, sino Merca, pero mucho menos. Si tabata busca 4 container, awor ta busca solamente uno. Esey ta haci, segun Ponson, cu klapchi lo bin menos y si esey bira e caso, ta nifica cu ta algun container so tin pa fin di aña. 

CONTAINER DI AÑA PASA

Na Aruba tin mas of menos 3 pa 4 container warda, pero cu esaki ta cu klapchi di decoracion y no pagara. E problema mas grandi segun Ponson, ta pagara. Si e klapchinan no bin for di China, Aruba no tin e pagaranan acostumbra di tur aña. “Hopi, si no ta mayoria pais rond di region di Aruba, no ta permiti importa pagara manera cu Aruba ta conoci, esta pagaranan di mei miyon, un miyon, ni 300 mil” Ponson a bisa. Na Merca no ta existi e tipo di pagara nan ey, sino mas bien pagara chikito. 

IMPORTACION

Pa Aruba e aña aki, e cantidad di peticion pa klapchi, ta indica cu tin peticion haci pa importa mas of menos 16 pa 18 container, y si e klapchinan no sigui manera ta premira, ta apenas 6 pa 7 container kizas lo por yega, si no ta menos, segun Ponson. E dianan aki ta wak si ta logra trece e cantidad solicita.