Presidente di Parlamento a yama minister Endy Croes pa di 3 biaha pa duna cuenta

Posted on 10/10/2024 9:29 am AST | Updated on 10/10/2024 9:36 am AST

ORANJESTAD - Presidente di Parlamento Raymond Kamperveen a yama minister Endy Croes pa di tres biaha pa duna cuenta. Asina e presidente ta bisa riba plataforma di e partido RAIZ diahuebs mainta.

POSIBEL CORUPCION

Despues cu a sali na cla diferente informacion tocante un posibel caso di corupcion den e directiva di Stichting Sportsubsidie Aruba (SSA), instancia previamente dirigi pa un coordinador di Minister Endy Croes, a yama e Minister encarga pa bin rindi cuenta na Parlamento. Ya caba a purba di convoca un reunion publico na dos ocacion, esta dia 3 di october y 7 di october. Den tur dos ocacion e reunion a wordo nenga pa e mandatario.

OTRO FECHA

Dia 15 di october, otro siman diamars, ta e fecha nobo stipula pa señor Kamperveen pa asina duna e Minister un di tres oportunidad pa aclaria e caso di malversacion di fondo na SSA. Pues cu e di tres intento aki lo a duna e gobernante amplio oportunidad pa haya un espacio den su agenda pa asina presenta na Parlamento di Aruba.

NENGA DI PRESENTA

Nenga di presenta un di tres biaha na Parlamento pa un reunion publico unda cu lo trata un caso di corupcion siguramente lo manda un señal cu Minister Endy Croes y partido MEP no tin integridad na pecho, segun Kamperveen. “Pues ta su deber pa rindi cuenta na Parlamento di Aruba cu ta e organo mas halto di nos pais encarga cu e tarea di controla gobierno” e presidente ta sigui bisa.

GLENBERT CROES

“Ya caba e partido tradicional a sufri di un gran impacto ariba su credibilidad e ultimo dianan aki pa via di un kebrante di integridad unda cu un otro mandatario esta ex-Minister Glenbert Croes a wordo deteni como sospechoso den un caso di corupcion cu lo trata di permisologia”. Glenbert Croes lo ta e di tres minister di MEP cu ta bira sospechoso den un caso penal. Tur tres a fungi como minister bou di e liderazgo di señora Prome Minister Evelyn Wever-Croes.” Plataforma Raiz ta conta ariba e sano huicio cu ainda lo por a keda den partido MEP, pa asina exigi di su Minister pa presenta dia 15 di october 2024 na Parlamento” e presidente ta bisa. “Integridad bo no ta papi’e, integridad bo tin di haci’e.”

Analisis: Cos no ta pega rond di nombracion di un proximo minister
Skirbi pa Tito Laclé
Mas Politica
Lesa Mas
Wever: Economia di Aruba ta crece den 2025
ORANJESTAD – Minister Geoffrey Wever a presenta e “Economic Outlook 2024- 2026” di Departamento di Asuntonan Economico, Comercio y Industria (DEACI). E “Economic Outlook 2024- 2026” ta contene un ahustacion di e crecemento economico pa 2024 y ta duna un proyeccion pa 2025 y 2026 cu ta basa riba ultimo informacion disponibel di nos economia.
Mas Politica
Lesa Mas
Sint Maarten ta gradici Aruba pa sosten rapido durante crisis na prison
ORANJESTAD - Den contexto di e Justitieel Vierlanden Overleg (JVO) cu ta tumando luga e siman aki na Aruba, Minister di Husticia di Sint Maarten, mr. Nathalie Tackling, a haci un bishita di introduccion y trabao na su colega Arubano, mr. drs. Arthur Dowers.
Mas Politica
Lesa Mas
Wever na Parlamento: No ta premira un impacto negativo cu Aruba no por maneha
ORANJESTAD - Dialuna merdia Minister di Finansa mr. Geoffrey Wever a presenta den Parlamento di Aruba pa duna un actualisacion completo na Parlamento tocante e efectonan di e “trade war” mundial, incluso e tarifanan impone pa Estados Unidos recientemente, e desaroyonan geopolítico actual y e posibel impacto cu e desaroyonan aki por tin regionalmente y riba e economia di Aruba.
Mas Politica
Lesa Mas
Aruba ta firma acuerdo di aviacion cu Suisa
ORANJESTAD - Recientemente un delegacion di Aruba a biaha pa Suisa caminda a topa cu Federal Office of Civil Aviation (FOCA). E meta di e biahe tabata pa concretisa acuerdo cu Departamento di Aviacion Civil di Aruba. E biahe a duna su resultado mirando cu a logra firma un acuerdo importante cu Suisa. Ta trata aki di un acuerdo bilateral di transporte aereo.
Mas Politica
Lesa Mas
Dowers: Aruba ainda ta evalua uso di cedula pa biaha entre islanan di Caribe Hulandes
ORANJESTAD - Aruba ainda ta evaluando uso di cedula pa biaha entre islanan di Caribe Hulandes. Esaki ta un di e temanan discuti durante e Justicieel Vierlanden Overleg e siman aki na Aruba.
Mas Politica
Lesa Mas