- Feliz dia di Himno & Bandera
- Polis na Corsou investigando traficacion di hende despues di naufragio fatal
- A confisca brommer usa pa trece trafico y bida di hende na peliger
- Partidonan dispuesto pa reuni awe riba formacion di gobierno nobo
- Formacion ta tranca awor pa posicion di minister plenipotenciario
RAPP: Detencion di reportero a limita derecho di periodista pa colecta noticia liber
ORANJESTAD - E detencion di un reportero diamars ultimo a limita e derecho di e periodista di colecta noticia liber, un derecho cu ta hancra den nos constitucion y tratadonan internacional (Artikel 10 EVRM). Asina e Red Arubiano di Prensa Profesional (RAPP) a comenta un dia despues di e detencion. “Door di no a opta pa un acercamento menos drastico ta haci e detencion desproporcional pa motibo cu a limita e derecho di colecta noticia liber mas cu tabata necesario, algo cu nos como asociacion ta desaproba pasobra e ta mina libertad di prensa” e asosac ion ta bisa.
GUIA INTERNACIONAL
“Como asociacion nos kier percura pa e puntonan di salida basico, e guia internacional di etica periodistico (Code van Bordeaux) y e principionan di RAPP, sirbi como base pa eherce e trabao di periodista” RAPP ta sigui bisa. Na final tur medio y tur periodista tin cu carga nan responsabilidad y esaki ta pa mantene nan mes na ley, na e limitenan di sociedad y tambe na loke e mesun publico ta spera di nos.
TRABOU DI PERIODISTA LIBER
“P'esey nos como asociacion ta boga pa trece mas guia y acuerdonan mutuo entre institutonan y prensa na Aruba pa asina por keda eherce e trabao di periodista liber”. Como e asociacion pa periodistanan na Aruba dedica na stimula e practica liber di periodismo y stimula e standard di comportacion etico, RAPP a bisa tamb di ta alinea su mes cu e asociacion di periodistanan Hulandes (Nederlandse Vereniging van Journalisten) den afirma cu nan no ta tuma como nan tarea pa desaproba cierto publicacionnan of sistemanan di traha. “ Tampoco nos kier dicidi ken por of no por eherce e trabao profesional di periodista. Esey lo crea un drempel pa acceso liber na prensa pa tur hende, un punto di salida hancra den nos constitucion, algo cu nos ta para p'e y ta defende, esta libertad di prensa” RAPP ta finalisa bisando.
Feliz dia di Himno & Bandera
CMO: E sistema di alerta trempan di 1.7 miyon euro ta totalmente financia pa Union Europeo
ORANJESTAD – E Oficina di Maneho di Crisis di Aruba a anuncia e lansamento oficial di un Early Warning System (EWS) moderno cu ta un avance importante den e capacidad di Aruba pa maneha calamidad, sigurando cu alerta y informacion crucial ta yega na e momento oportuno na publico durante situacion di emergencia.
Bisk: Actuacion rapido di compania di jetski, a evita un situacion tragico riba laman na Aruba
ORANJESTAD - Loke por a caba tragicamente a keda evita danki na pensamento rapido di e compania di huur jet ski na Aruba e siman aki. Asina e rabino Levi Bisk a declara riba e portal hudiu chabad e siman aki. E compania segun Bisk , a tuma contacto cu Guardacosta directamente en bes di sigui e procedura standard di yama polis local prome, ora cu a tuma nota di e incidente unda cu dos turista hudiu a bolter cu jetski riba laman rond di Aruba. E desicion aki a resulta crucial, acelera e operacion di rescate cu mas cu un ora, sigurando cu e buskeda a cuminsa mientras cu tabata cla pafo y prome cu solo baha a haci buskeda y rescate exponencialmente mas difísil.
E programa Noticiacla LIVE ta trata e tema Early Warning System awe nochi 8:30pm
ORANJESTAD – Awe e director di Crisis Management Organization (CMO) Rino Hermans ta invitado den e programa Noticiacla LIVE. E tema principal ta e instalacion y operacion di e Early Warning System, pa Aruba y kico tur por spera di esaki. Sigur un tema interesante, cu hopi informacion valioso pa nos comunidad, relaciona cu e situacion di tempo y calamidad. E programa ta en bibo y ta cuminsa pa 8:30pm riba e pagina di Facebook di Noticiacla. Ta encurasha e pueblo cu ta mira e programa, pa haci pregunta si tin, y cu sr Hermans por contesta.
Cinco aña pasa awe, Aruba a raporta su prome caso di Covid19
ORANJESTAD – Awe ta 5 aña pasa cu Aruba a raporta su prome caso di Covid19, riba 13 di maart 2020. Algun dia despues, Aruba a cera porta pa mundo, pa 3 luna, causando un crisis severo cu a pone cu mester a ricibi ayudo di Hulanda pa por a saca nos mes for di e situacion financiero malo causa pa e crisis. Aruba a conoce miles di caso (44.911 entre 2020 y 2025) y centenares di morto (256 entre 2020-2023, cifra di 2024-2025 no ta cla ainda), a consecuencia di e virus aki.
Un dia despues di bandona Aruba, barco crucero ta raporta norovirus na CDC
MIAMI / ORANJESTAD – Un biaha mas un barco crucero cu a pasa Aruba, tabatin brote di norovirus. Den e caso aki, e barco cu a cuminsa su trip dia 21 di februari ultimo, a bishita Aruba dia 6 di maart ultimo, y dia 7 di maart, un dia despues, e Centro pa Control di Malesa (CDC) a informa cu e forma sumamente infectuoso di gastroenteritis ta haci pasaheronan malo riba e biahe di Coral Princess riba diabierna 7 di maart 2025. Di e 1.906 pasaheronan abordo, 69 a wordo raporta malo hunto cu 13 di e 895 miembronan di tripulacion di e barco. Mester bisa cu e barco a bolbe Aruba diaranson ultimo, esta ayera, 12 di maart 2025 atrobe, pero no tabatin mencion e ora di e virus mas.
Follow NoticiaCla
