Florida ta evacua despues di horcan Helene awor pa Milton: ‘Ken cu keda lo muri’

MIAMI - “Ken cu skohe pa keda lo muri.” Lenguahe fuerte di e alcalde di e ciudad di Tampa, Florida, unda un ordo di evacuacion ta na vigor pa motibo di horcan Milton. Hopi hende tin cu huy di desasternan natural pa di dos biaha dentro di dos siman.

Casi 6 miyon merikano ta biba den e area di evacuacion. Awor tempo ta kcabando pa sali bai; Ta anticipa cu Milton lo yega tera awe nochi (ora local).

Trafico largo a surgi ayera riba camindanan pa noord di e estado, como tambe pa e ciudadnan relativamente sigur di Fort Lauderdale y Miami den zuid. Tin rijnan largo pa combustibel na pompnan di gasolin y tankeronan mester a wordo escolta pa nan destinacion bao di escolta di polis.

Gobernador DeSantis a recorda pueblo cu tin suficiente gas pa tur hende y cu pueblo no mester biaha centenares di miya pa yega na un luga sigur.

AINDA TIN DEBRIS TUR CAMINDA

Mientrastanto, hendenan a bin ta kore pa preparf pa Milton, e di dos tormenta grandi den poco tempo. Casnan y otro edificionan ta wordo cera, bestianan ta wordo traslada pa un luga sigur si ta posibel, i un di e hospitalnan na Tampa a instala un muraya pa stop inundacion.

Florida tambe a haña cientos di truk di sushi adicional cu a yega. Ainda tin debris tur caminda di horcan Helene, cu a causa estragos den zuidoost di Merca un poco mas di un siman pasa y a mata por lo menos 230 persona.