Aeropuertonan di Florida ta prepara pa horcan Milton

MIAMI - E estado Mericano di Florida ta preparando pa horcan Milton. Como precaucion, algun aeropuerto grandi, manera Tampa y Orlando, ta cera pa trafiko aereo comercial. Hopi hende den e region ta buscando siguridad di e tormenta, cu ta menasa di trece awasero y inundacion.

Merca a wordo azota pa horcan Helene siman pasa. El a costa 225 bida. Aunke e tormenta benidero a wordo baha di categoria 5 pa 4, toch e ta forma un menasa.

Aeropuerto di Tampa a sera diamars, Orlando lo sigui e ehempel riba diarason pa 8 or di mainta ora local. Aeropuerto di Miami ta bisa cu ta vigilando e situacion, pero lo keda habri por lo pronto.

No tin buelo di pasahero programa pa Florida for di Hulanda. Martinair/KLM Cargo si ta bula einan cu avion di carga.