Detencion di Glenbert Croes ta sla duro pa MEP, pero ta sigui dilanti

ORANJESTAD – Detencion di ex minister Glenbert Croes diamars, ta un sla duro pa partido MEP. Asina mes, e partido lo sigui bringa duro pa sigura e siguiente victoria den e proximo eleccion. Esaki tabata e mensahe general di Evelyn Wever Croes, lider di e partido durante un evento publico diamars anochi. Mientras cu e evento tabata uno plania caba, a usa e introduccion di e evento pa actualisa tur hende presente riba e situacion y tambe pidi esnan presente pa yuda e partido pa plama e mensahe di e trabou cu e partido a haci durante e ultimo 3 añanan y pa sigura nan victoria di nobo.