OM: Caida di gobierno y proximo eleccion no a influencia e detencion di minister Croes

ORANJESTAD – Diamars mainta Ministerio Publico a purba clarifica cu ‘Sucesonan politico nunca ta influencia curso di un investigacion penal’. Esaki ta relaciona cu e detencion di minister Glenbert Croes. 

PLANIFICACION PROPIO 

Ministerio Publico y Landsrecherche a sigura diamars mainta cu nan ta mantene den investigacionan penal na nan propio planificacion/planning. “Loke descubri durante e investigacion frequentemente ta determina e momento di detencion di un sospechoso y e ehecucion di listramentonan (“doorzoekingen”). Por lo tanto, cu e detencion ta awor, awe, tin di haber cu e momento den cual e sospecha contra e minister a surgi, e planning/planificacion di Landsrecherche, juez-comisario y Ministerio Publico. Y tur esaki no ta diferente fe loke ta usual den otro investigacion” e vocero a sigura den su comunicado. .

CAIDA DI GOBIERNO NO A INFLUENCIA E CAIDA 

“Cu gobierno a cai dia 9 di september y cu despues eleccion a wordo yama, por lo tanto no a influencia e planning/planificacion aki” e comunicado ta sigui bisa. “ E investigacion penal ta sigui. No ta exclui cu mas detencion lo por tuma lugar den e caso aki. Den interes di e investigacion cu ainda ta andando, Ministerio Publico na e momento aki no ta duna mas informacion” e comunicado a finalisa bisando.