Panama invicto y Aruba ta keda na bida den LatAm Junior 2015

AGUADULCE – Cu e victoria di Panama A contra Colombia, e ekipo anfitrion ta mantene su status di invicto. Aruba ta sigui na bida, pendiente e wega di diaranson mainta contra Colombia. E ekipo di Panama A a derota Colombia den 5 inning cu e score di 16-1 den grupo A di e XVI Serie Latinoamericana de Baseball. Cu e resultado aki pues, Panama A ta na prome lugar, cu Mexico siguiendo hopi serca. Mexico tin 2 victoria y un derota, y Colombia y Aruba cada uno tin un victoria y dos derota. Guatemala ta na di ultimo lugar cu 3 derota den tres wega hunta. Aruba diamars a perde contra Mexico, cu e score di 3-2. Si nan perde e wega di diaranson, nan ta keda elimina tambe. Si nan gana, nan ta sigui pa e proximo buelta.